പൂഞ്ഞാറുകാര് സൂപ്പറാ! ലോക്ക്ഡൗൺ വിരസത മാറ്റാൻ അടിപൊളി ഐഡിയ !!

ഒരു ഉഗ്രൻ ഏറുമാടം.  അതും പാറക്കെട്ടുകൾക്കിടയിലൂടെ മീനച്ചിലാർ ഒഴുകിവരുന്ന പൂഞ്ഞാർ പുലിയിടുക്ക് മുഴേൽ മാവിൽ.

ലോക്ക് ഡൌൺ  വിരസത മാറ്റാൻ  പ്രദേശവാസിയായ വാഴയിൽ കുട്ടിച്ചന്റെ  നേതൃത്വത്തിൽ മുള്ളൻ കുഴിയിൽ ഉത്തമനും ജയേഷ് മടങ്ങുന്ന ചെറുപ്പക്കാരുടെ സംഘം ആണ് ഏറുമാടമുണ്ടാക്കിയത്. 

പൂഞ്ഞാറിൽ നിന്നും അടിവാരം റൂട്ടിൽ മൂന്നു കിലോമീറ്റർ എത്തിയാൽ ഏറുമാടം കാണാം.  പുഴയ്ക്കു നടുവിലെ ഇലിപ്പ മരത്തിലാണ് ഏറുമാടം നിർമ്മിച്ചത്. 

കവുങ്ങും മുളയും പനയോലയും ചേർത്തുവെച്ചാണ് നിർമാണം. ഈറ്റ ഉപയോഗിച്ചു ഗോവണിയും നിർമിച്ചു. സാമൂഹിക അകലം പാലിച്ചാണ് നിർമാണം നടത്തിയത്. 

ഏതായാലും കിളികളും പുഴയുടെ ആരവങ്ങളും ആസ്വദിച്ചു ഒത്തുകൂടാൻ ഈ ലോക്ക് ഡൌൺ കാലം ഗുണമായി എന്നാണ് ഇവിടുത്തുകാർ പറയുന്നത്.