പെരിങ്ങോത്ത് ബൈക്കുകൾ കൂട്ടിയിടിച്ച് രണ്ടു മരണം

കണ്ണൂർ: പെരിങ്ങോത്തിനടുത്ത് പൊന്നമ്പാറയിൽ ബൈക്കുകൾ കൂട്ടിയടിച്ച് രണ്ട് മരണം. പെരിങ്ങോം എടാട്ടൻ വീട്ടിൽ രാഹുൽ രമേശ് (23), പെരിങ്ങോം കരിപ്പോട് സ്വദേശി മാടപ്പാടി സന്തോഷിന്‍റെ മകൻ അഖിലേഷ് (28) എന്നിവരാണ് മരിച്ചത്.

രാഹുൽ ഓടിച്ചിരുന്ന ബുള്ളറ്റും അഖിലേഷിന്‍റെ പൾസർ ബൈക്കും തമ്മിൽ കൂട്ടിയിടിക്കുകയായിരുന്നു. രാവിലെ 8.15ഓടെ പൊന്നമ്പാറ ടൌണിലാണ് സംഭവം.

അമിത വേഗതയാണ് അപകടത്തിന് കാരണമായതെന്ന് ദൃക്സാക്ഷികൾ പറയുന്നു. കൂട്ടിയിടിയുടെ ആഘാതത്തിൽ ബൈക്കുകൾ തകർന്നു.

നാട്ടുകാരും അഗ്നിശമനസേനയും ചേർന്ന് ഇരുവരെയും ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല.