'ആ നിമിഷം പീഡിപ്പിക്കപ്പെട്ടതു പോലെ തോന്നി': യുവാവിന്റെ മോശം പെരുമാറ്റം പരസ്യമാക്കി നടി ഇഷാ ഗുപ്ത

ഹോട്ടലിൽ തനിക്കുണ്ടായ ദുരനുഭവം വെളിപ്പെടുത്തി ബോളിവുഡ് താരം ഇഷാ ഗുപ്ത

തന്നോട് അപമര്യാദയായി പെരുമാറിയ ആളുടെ ചിത്രവും വീഡിയോയും സഹിതം പുറത്തു വിട്ടാണ് താരം തനിക്കുണ്ടായ ദുരനുഭവം വെളിപ്പെടുത്തിയത്.

സുഹൃത്തിനൊപ്പം ഭക്ഷണം കഴിക്കാനെത്തിയതായിരുന്നു താരം.കുറച്ചു കഴിഞ്ഞ് ഒരു യുവാവ് തനിക്ക് അഭിമുഖമായുള്ള ‍ടേബിളിൽ വന്നിരുന്നു. ആ നിമിഷം മുതൽ അയാൾ തുറിച്ചു നോക്കാന്‍ തുടങ്ങി. തന്നെ അസ്വസ്ഥമാക്കിക്കൊണ്ടുള്ള ആ നോട്ടം അയാൾ തുടർന്നു

കണ്ണുകൾ കൊണ്ട് അയാൾ എന്നെ ബലാത്സംഗം ചെയ്യുകയായിരുന്നു. രണ്ട് സുരക്ഷാ ഉദ്യോഗസ്ഥർ ഒപ്പമുള്ള തന്റെ അവസ്ഥ ഇതാണെങ്കിൽ സാധാരണക്കാർക്ക് ഇവിടെ എന്ത് സുരക്ഷയാണെന്ന് ഇഷാ ട്വിറ്ററിൽ കുറിച്ചു

യുവാവിന്റെ വീഡിയോ പങ്കുവച്ച് ഇയാൾ ആരാണെന്ന് അറിയുന്നവർ വിവരം പങ്കു വയ്ക്കണമെന്ന് അറിയിച്ചായിരുന്നു ആദ്യ ട്വീറ്റ്. പിന്നീട് രാഹുൽ വിഗ് എന്ന യുവാവാണ് ഇത് എന്ന് തിരിച്ചറിഞ്ഞതോടെ ഇയാളുടെ ചിത്രങ്ങൾ സഹിതം താരം ട്വീറ്റ് ചെയ്തു

അയാൾ എന്നെ സ്പർശിച്ചിട്ടില്ല..എന്നോട് സംസാരിച്ചിട്ട് പോലുമില്ല... പക്ഷെ ആ തുറിച്ചു നോട്ടം അത് തന്നെ ധാരാളമായിരുന്നു.. ഞാൻ അഭിനേതാവായതു കൊണ്ട് ഒരു ഫാൻ ആയി അല്ല അയാൾ നോക്കിയത്.. എന്നെ സ്ത്രീയായി മാത്രം കണ്ടായിരുന്നു ആ തുറിച്ചു നോട്ടം.. ഇഷ കുറിച്ചു

എവിടെയാണ് നമുക്ക് സുരക്ഷ ? സ്ത്രീകൾ ആയിരിക്കുന്നത് ഒരു ശാപമാണോ എന്നും താരം ചോദിക്കുന്നു

നിങ്ങളെപ്പോലെയുള്ള മനുഷ്യരെക്കാരണമാണ് സ്ത്രീകൾ ഒരിക്കലും സുരക്ഷിതരല്ലാതാകുന്നത്. നോട്ടങ്ങൾ കൊണ്ട് നിങ്ങളെ പിന്തുടർന്നു കൊണ്ടേയിരിക്കുന്നു..

ഇതിനിടെ പുതിയ ചിത്രത്തിന്റെ വേണ്ടിയുള്ള പബ്സിസിറ്റിക്കായാണ് ഇഷ ഇത്തരം ആരോപണങ്ങൾ ഉന്നയിക്കുന്നതെന്ന് വിമർശനവും ഒരാൾ ട്വിറ്ററിൽ ഉയർത്തി. എന്നാൽ സ്ത്രീകൾക്ക് സുരക്ഷിതരായിരിക്കാൻ അവകാശമില്ലേ ? നിയമത്തിനതീതരാണ് പുരുഷൻമാർ എന്നാണ് കരുതുന്നത്. ദുഷിച്ച മനസ്... എന്നായിരുന്നു ഇഷയുടെ മറുപടി