സ്വന്തമായി വളർത്തിയിരുന്നത് 20 പാമ്പുകളെ; ഒടുവിൽ പെരുമ്പാമ്പ് കഴുത്തിൽ വരിഞ്ഞുമുറുക്കി യുവതിക്ക് ദാരുണാന്ത്യം

പാമ്പു വളർത്തൽ കേന്ദ്രത്തിലെ പെരുമ്പാമ്പ് കഴുത്തിൽ വരിഞ്ഞു മുറുക്കി യുവതിക്ക് ദാരുണാന്ത്യം. ഓക്‌സ്ഫര്‍ഡിലെ ബെന്‍ടണിലാണ് സംഭവം. ബുധനാഴ്ച രാത്രി ലോറ ഹഴ്സ്റ്റ് എന്ന 36 കാരിയെ മരിച്ച നിലയിൽ കണ്ടെത്തുകയായിരുന്നു.

എട്ടടിയോളം നീളമുള്ള പെരുമ്പാമ്പാണ് യുവതിയുടെ കഴുത്തിൽ വരിഞ്ഞു മുറുക്കിയത്. തെക്കുകിഴക്കന്‍ ഏഷ്യന്‍ രാജ്യങ്ങളില്‍ മാത്രം കാണപ്പെടുന്ന ഏറ്റവും വലിയ പാമ്പായ റെറ്റിക്ക്യുലേറ്റഡ് വിഭാഗത്തില്‍പ്പെട്ടവയാണ് യുവതിയെ ആക്രമിച്ചത്.

യുവതിക്ക് കൃത്രിമശ്വാസം ഉൾപ്പെടെ നൽകിയെങ്കിലും ജീവൻ രക്ഷിക്കാനായില്ല. യുവതിയെ അബോധാവസ്ഥയിൽ കണ്ടെത്തിയ പാമ്പ് വളർത്തൽ കേന്ദ്രത്തിൽ 140 പാമ്പുകളുണ്ടായിരുന്നെന്നാണ് വിവരം. ഇതിൽ ഇരുപതെണ്ണവുംലോറയുടെ ഉടമസ്ഥതയിലുള്ളതായിരുന്നു.

പാമ്പുവളർത്തൽ കേന്ദ്രത്തിൽ ബോധരഹിതമായിയ കാണപ്പെട്ട ഷെറിഫ് ഡൊണാള്‍ഡിന്റെ ഉടമസ്ഥതയിലുള്ളതാണ് ഈ കെട്ടിടം. തന്റെ ഉടമസ്ഥതയിലുള്ള പാമ്പുകളെ ശുശ്രൂഷിക്കാൻ ലോറ ആഴ്ചയില്‍ രണ്ട് തവണ ഇവിടെ എത്താറുണ്ടായിരുന്നെന്നും പൊലീസ് വ്യക്തമാക്കുന്നു.