വന്ദേ ഭാരത് എക്‌സ്പ്രസ്, എന്‍ജിന്‍ ഇല്ലാത്ത ആദ്യ ട്രെയിന്‍

കേന്ദ്ര റെയിൽവെ മന്ത്രി പീയുഷ് ഗോയൽ ട്രെയിനിനുള്ളിൽ.

രാജ്യത്തെ ഏറ്റവും വേഗമേറിയ ട്രെയിനായ വന്ദേ ഭാരത് എക്‌സ്പ്രസ് ഫെബ്രുവരി 15 -ന് പ്രധാനമന്ത്രി നരേന്ദ്രമോദി ഉദ്ഘാടനം ചെയ്യും.

'ട്രെയിന്‍ 18' എന്ന പേരില്‍ ഇന്ത്യയില്‍ നിര്‍മിച്ച ആദ്യ എന്‍ജിന്‍ രഹിത ട്രെയിന്‍ ഡല്‍ഹി - വാരാണസി റൂട്ടിലാണ് സര്‍വീസ് നടത്തുന്നത്.

ഡല്‍ഹി - വാരാണസി എ.സി. ചെയര്‍കാര്‍ യാത്രയ്ക്ക് 1,850 രൂപയും എക്‌സിക്യുട്ടീവ് ക്ലാസിന് 3,520 രൂപയുമാണ് ടിക്കറ്റ് നിരക്ക്. ഭക്ഷണവിലയും ഉള്‍പ്പെടുത്തിയാണിത്.

റിട്ടേണ്‍ ടിക്കറ്റിന് ചെയര്‍കാറില്‍ 1,795 രൂപയും എക്‌സിക്യൂട്ടീവ് ക്ലാസിന് 3,470 രൂപയുമായിരിക്കും.

ഇതേദൂരത്തില്‍ സഞ്ചരിക്കുന്ന ശതാബ്ദി ട്രെയിനുകളേക്കാള്‍ ഒന്നരമടങ്ങ് കൂടുതലാണ് വന്ദേ ഭാരത് എക്‌സ്പ്രസിന്റെ നിരക്ക്.

ചെയര്‍ കാറിലും എക്‌സിക്യുട്ടീവ് ക്ലാസിലും ഭക്ഷണത്തിന് വ്യത്യസ്ത വിലയായിരിക്കും. എക്‌സിക്യൂട്ടീവ് ക്ലാസില്‍ ഡല്‍ഹിയില്‍നിന്ന് വാരാണസിയിലേക്ക് യാത്ര ചെയ്യുന്നവരില്‍നിന്ന് പ്രഭാതഭക്ഷണത്തിനും ചായക്കും ഉച്ചഭക്ഷണത്തിനും 399 രൂപയാണ് ഈടാക്കുക. ചെയര്‍കാറില്‍ 344 രൂപയും.

ട്രെയിന്‍ 18 വന്ദേ ഭാരത് എക്‌സ്പ്രസ് എന്ന പേരില്‍ അറിയപ്പെടുമെന്ന് കേന്ദ്ര റെയില്‍വേ മന്ത്രി പിയൂഷ് ഗോയലാണ് വ്യക്തമാക്കിയത്.

ഇന്ത്യയിലെ എന്‍ജിനിയര്‍മാരുടെ 18 മാസത്തെ അധ്വാനത്തിലൂടെയാണ് വന്ദേ ഭാരത് എക്‌സ്പ്രസ് യാഥാര്‍ഥ്യമായത്.

ലോക നിലവാരത്തിലുള്ള ട്രെയിന്‍ സ്വദേശീയമായി നിര്‍മിക്കാനാകുമെന്നതിന്റെ ഏറ്റവും വലിയ ഉദാഹരണമാണ് വന്ദേ ഭാരത് എക്‌സ്പ്രസ് എന്ന് പിയൂഷ് ഗോയല്‍ പറഞ്ഞു.

എട്ട് മണിക്കൂര്‍ കൊണ്ട് ദില്ലിയില്‍ നിന്ന് വാരണാസിയിലേക്കുള്ള 755 കിലോമീറ്റര്‍ ട്രെയിന്‍ എത്തും.

കാണ്‍പൂരിലും പ്രയാഗ്‌രാജിലും സ്റ്റോപ്പുകളുണ്ടാകും.

നിലവിൽ ഡൽഹി-വരാണസി റൂട്ടിൽ മറ്റ് ട്രെയിനുകൾ പതിനൊന്നര മണിക്കൂറോളമാണ് എടുക്കുന്നത്.

കേന്ദ്രമന്ത്രി പീയുഷ് ഗോയലും മുരളീ മനോഹർ ജോഷിയും ട്രെയിനിൽ.

മന്ത്രി പീയുഷ് ഗോയൽ ജീവനക്കാർക്കൊപ്പം വന്ദേ ഭാരത് എക്സ്പ്രസിൽ.