പാർലെ-ജി മന്ദിർ; 20 കിലോ പാർലെ-ജി ബിസ്‌ക്കറ്റ് കൊണ്ട് അയോധ്യ ക്ഷേത്രത്തിന്റെ മാതൃക

പാർലെ-ജി ബിസ്കറ്റ് ഉപയോഗിച്ച് അയോധ്യ ക്ഷേത്രത്തിന്റെ മാതൃക നിർമ്മിച്ച് യുവാവ്. പശ്ചിമ ബംഗാളിലെ ദുർഗാപൂര്‍ സ്വദേശി ഛോട്ടൻ ഘോഷാണ് ഈ മാതൃക നിർമ്മിച്ചത്.

അഞ്ച് ദിവസമെടുത്ത് 20 കിലോ പാർലെ-ജി ബിസ്കറ്റ് ഉപയോഗിച്ചാണ് അയോധ്യ ക്ഷേത്രത്തിന്റെ ബിസ്‌ക്കറ്റ് മാതൃക തയാറാക്കിയത്. നാലടി വലുപ്പത്തിലാണ് മാതൃക നിർമ്മിച്ചത്.

തെർമോകോളുകൾ, പ്ലൈവുഡ്, ഗ്ലൂ-ഗൺ, ബിസ്‌ക്കറ്റുകൾ എന്നിവ ഉപയോഗിച്ചാണ് ഈ മാതൃക നിർമ്മിച്ചത്.

ഇതാദ്യമായല്ല ഘോഷ് ഇത്തരത്തിൽ ഒരു മാതൃക നിർമ്മിക്കുന്നത്.  മുമ്പ്, ഐഎസ്ആർഒയിക്ക് ആദരമായി ചന്ദ്രയാൻ -3 ന്‍റെ പകർപ്പും ഘോഷ് നിർമ്മിച്ചിരുന്നു.

നീണ്ട 500 വർഷങ്ങളുടെ കാത്തിരിപ്പിനൊടുവിൽ ജനുവരി 22 ന് അയോധ്യയിൽ രാമക്ഷേത്രം ഉദ്ഘാടനം നടക്കുന്നത്.

ജനുവരി 22 ന് ഉച്ചയ്ക്ക് 12.29 നും 12.30 നും ഇടക്കുള്ള 84 സെക്കൻഡ് സമയത്താണ് പ്രതിഷ്ഠ ചടങ്ങ് നടക്കുക.

ലോകത്തിലെ പല മേഖലകളിൽ നിന്നുള്ള മഹത് വ്യക്തികൾ ചടങ്ങിന് സാക്ഷ്യം വഹിക്കാനെത്തും.