World Cup 2023: പാക് ക്രിക്കറ്ററായ മരുമകനെയും കൊച്ചുമകളെയും ആദ്യമായി കാണാൻ കാത്ത് ഇന്ത്യയിൽനിന്ന് ഒരു അമ്മായിയച്ഛൻ
- Published by:Anuraj GR
- news18-malayalam
Last Updated:
വിരാട് കോഹ്ലിയുടെ കടുത്ത ആരാധകനായ ആളാണ് മകളുടെ ഭർത്താവിനെയും കൊച്ചുമകളെയും കാണാനായി കാത്തിരിക്കുന്നത്
ഈ മാസം അവസാനം ഐസിസി ക്രിക്കറ്റ് ലോകകപ്പ് 2023ൽ ഇന്ത്യയുമായുള്ള സൂപ്പർ പോരാട്ടത്തിനായി ഒരുങ്ങകയാണ് പാകിസ്ഥാൻ ടീം. അഹമ്മദാബാദിലെ നരേന്ദ്ര മോദി സ്റ്റേഡിയത്തിലാണ് ചിരവൈരികളുടെ ഏറ്റുമുട്ടൽ. പാക് ടീം ഇന്ത്യയിലേക്ക് വരുമ്പോൾ മരുമകനായ ക്രിക്കറ്ററെയും കൊച്ചുമകനെയും ആദ്യമായി കാണാനാകുന്നതിന്റെ ത്രില്ലിലാണ് ഹരിയാന സ്വദേശിയായ ലിയാഖത്ത് ഖാൻ. പാക് ടീമിലെ പേസ് ബോളർ ഹസൻ അലിയെയാണ് ലിയാഖത്തിന്റെ മകൾ വിവാഹം കഴിച്ചത്.
advertisement
advertisement
advertisement
ഇന്ത്യയും പാകിസ്ഥാനും തമ്മിലുള്ള കയ്പേറിയ ചരിത്രത്തിനിടയിലും ഹസനെ വിവാഹം കഴിക്കാനുള്ള മകളുടെ ആഗ്രഹത്തെക്കുറിച്ച് താൻ ഒരിക്കലും വിഷമിച്ചിട്ടില്ലെന്ന് ലിയാഖത്ത് പറയുന്നു. “റോഹ്തക്കിലെ കോളേജ് പഠനകാലത്ത് വായിച്ച റൂമിയുടെ ഒരു ഉദ്ധരണിയിലാണ് ഞാൻ എന്റെ ജീവിതം നയിച്ചത്. ‘അപ്നേ ദിൽ കി സുനോ, ഭീദ് കി നഹി (ആൾക്കൂട്ടത്തെയല്ല, നിങ്ങളുടെ ഹൃദയം കേൾക്കുക)’. എന്റെ മകൾ എമിറേറ്റ്സ് എയർലൈനിൽ ഫ്ലൈറ്റ് എഞ്ചിനീയറായി ജോലി ചെയ്യുകയായിരുന്നു, ഒരു സുഹൃത്ത് വഴി ദുബായിൽ വെച്ച് അവൾ ഹസനെ കണ്ടുമുട്ടി. അവൾ അവനെക്കുറിച്ച് എന്നോട് പറഞ്ഞു, അവളുടെ തീരുമാനത്തെ ഞാൻ ഒരിക്കലും എതിർത്തിട്ടില്ല, ”അദ്ദേഹം പറഞ്ഞു.
advertisement
“ഞാൻ എന്റെ തീരുമാനങ്ങൾ അവളുടെ മേൽ അടിച്ചേൽപ്പിച്ചാൽ വിദ്യാഭ്യാസത്തിന്റെ അർത്ഥമെന്താണ്? അവൾ വിദ്യാസമ്പന്നയാണ്, സ്വതന്ത്രയാണ്. നമ്മുടെ പുറകിൽ കുറച്ച് ആളുകൾ പറയുന്നത് ആരാണ് ശ്രദ്ധിക്കുന്നത്? ഞാൻ അവളോട് പറഞ്ഞു, അവൾ സന്തോഷമുള്ളിടത്തോളം കാലം അവൾ ആരെ വിവാഹം കഴിക്കുന്നു എന്നത് പ്രശ്നമല്ല. വിഭജനകാലത്ത് അവിടെ പോയ ഞങ്ങളുടെ കൂട്ടുകുടുംബങ്ങൾ പാക്കിസ്ഥാനിലുണ്ട്. ഹസൻ മനോഹരമായ ഹൃദയമുള്ള ദയയുള്ളവനാണ്, ”അദ്ദേഹം കൂട്ടിച്ചേർത്തു.
advertisement