IND vs ENG | ഇംഗ്ലണ്ടിനെ എറിഞ്ഞൊതുക്കി ബുംറ,അവസാന ദിനം ഇന്ത്യക്ക് ജയിക്കാന്‍ 157 റണ്‍സ് കൂടി

ട്രെന്റ്ബ്രിഡ്ജില്‍ ഇന്ത്യ കരുത്ത് കാണിച്ച നാലാം ദിനത്തില്‍ ഇന്ത്യന്‍ സ്റ്റാര്‍ പേസര്‍ ജസ്പ്രീത് ബുംറ അഞ്ചു വിക്കറ്റുകള്‍ വീഴ്ത്തി ഇംഗ്ലണ്ടിനെ എറിഞ്ഞൊതുക്കി.

നായകന്‍ ജോ റൂട്ട് നേടിയ 109 റണ്‍സിന്റെ ബലത്തിലാണ് രണ്ടാം ഇന്നിങ്സില്‍ ഇംഗ്ലണ്ട് 303 റണ്‍സ് നേടിയത്.

റൂട്ട് പുറത്താകുമ്പോള്‍ 274 റണ്‍സ് ആയിരുന്നു ഇംഗ്ലണ്ട് നേടിയതെങ്കിലും അവശേഷിക്കുന്ന വിക്കറ്റുകള്‍ ഇന്ത്യ വേഗത്തില്‍ വീഴ്ത്തുകയായിരുന്നു.

5 വിക്കറ്റ് നേടിയ ജസ്പ്രീത് ബുംറയ്‌ക്കൊപ്പം മുഹമ്മദ് സിറാജ്, ഷര്‍ദുല്‍ താക്കൂര്‍ എന്നിവര്‍ രണ്ട് വീതം വിക്കറ്റ് നേടി.

ഇംഗ്ലണ്ട് നായകന്‍ ജോ റൂട്ടിന്റെ 21ആം ടെസ്റ്റ് സെഞ്ച്വറിയാണിത്.

ഇന്ത്യന്‍ നായകന്‍ വിരാട് കോഹ്ലി മത്സരത്തിനിടെ

വാലറ്റത്ത് സാം കറന്റെയും (32) ഒലി റോബിന്‍സണിന്റെയും (15) സംഭാവനയുടെ ബലത്തിലാണ് ഇംഗ്ലണ്ട് ലീഡ് 200ന് മുകളില്‍ എത്തിയത്.

നാലാം ദിനം മത്സരത്തിനിടെ കോഹ്ലി അമ്പയറിനോട് റിവ്യൂവിന് അപ്പീല്‍ ചെയ്യുന്നു.

അവസാന ദിവസം ഒരു മികച്ച ഇന്നിങ്‌സ് ആണ് രോഹിത്തില്‍ നിന്നും ആരാധകര്‍ പ്രതീക്ഷിക്കുന്നത്.

തുടര്‍ച്ചയായി ബൗണ്ടറികള്‍ കണ്ടെത്തി മുന്നേറിയ കെ എല്‍ പക്ഷേ വ്യക്തിഗത സ്‌കോര്‍ 26 ലെത്തി നില്‍ക്കെ പുറത്തായി.

ഇംഗ്ലണ്ട് സ്റ്റാര്‍ പേസര്‍ സ്റ്റുവര്‍ട്ട് ബ്രോഡിന്റെ പന്തിലാണ് താരം പുറത്തായത്.

രണ്ടാം ഇന്നിങ്‌സ് ബാറ്റിംഗിനിറങ്ങിയ ഇന്ത്യ നാലാം ദിനം കളി അവസാനിക്കുമ്പോള്‍ 52/1 എന്ന നിലയിലാണ്.

നാലാം ദിനം കളി നിര്‍ത്തിയതിനു ശേഷം മടങ്ങുന്ന ഇംഗ്ലണ്ട് താരങ്ങള്‍

അവസാന ദിനം ഇന്ത്യക്ക് ജയിക്കാന്‍ 157 റണ്‍സ് കൂടി വേണം.

വിക്കറ്റ് നേടിയ സ്റ്റുവര്‍ട്ട് ബ്രോഡിന്റെ ആഹ്ലാദം.