IPL 2023 | 717 ദിവസത്തിന് ശേഷമുള്ള മടങ്ങിവരവില്‍ കളിയിലെ താരമായി ഇഷാന്ത് ശര്‍മ്മ

717 ദിവസങ്ങൾക്ക് ശേഷം ശേഷമുള്ള മടങ്ങിവരവില്‍ ഗംഭീര പ്രകടനവുമായി ഡൽഹി ക്യാപിറ്റൽസ് താരം വെറ്ററന്‍ പേസര്‍ ഇഷാന്ത് ശര്‍മ്മ. കൊൽക്കത്ത നൈറ്റ്റൈഡേഴ്സിനെതിരായ മത്സരത്തിൽ നാലു ഓവറുകളിൽ 19 റൺസ് വഴങ്ങി രണ്ടു വിക്കറ്റുകളാണ് ഇഷാന്ത് ശർമ വീഴ്ത്തിയത്.

കെകെആര്‍ നായകന്‍ നിതീഷ് റാണയും വെടിക്കെട്ട് താരം സുനില്‍ നരെയ്‌നുമാണ് മുപ്പത്തിനാലുകാരനായ ഇഷാന്ത് മടക്കിയത്. 2021ലെ ഐപിഎല്ലിലാണ് താരം അവസാനമായി കളിച്ചത്. മൂന്നു മത്സരങ്ങളിൽ മാത്രം കളിച്ച ഇഷാന്ത് ശർമ ഒരു വിക്കറ്റ് മാത്രമായിരുന്നു എടുത്തിരുന്നത്.

ഐ‌പി‌എല്ലിൽ 93 മത്സരങ്ങളിൽ നിന്ന് 73 വിക്കറ്റ് വീഴ്ത്തിട്ടുണ്ട് ഇഷാന്ത് ശർമ. 2019ൽ ഡൽഹിക്കായി മുഴുവൻ മത്സരങ്ങളിലും കളിച്ച താരം 13 മത്സരങ്ങളിൽ നിന്നായി 13 വിക്കറ്റുകൾ വീഴ്ത്തിയിരുന്നു.

2023 സീസണിലെ ഐപിഎല്‍ ലേലത്തിൽ 50 ലക്ഷം രൂപയ്ക്കാണ് ഇഷാന്തിനെ ഡൽഹി ക്യാമ്പിലെത്തിച്ചത്. ഈ സീസണിലെ ആദ്യ മത്സരത്തില്‍ മികച്ച പ്രകടനം കാഴ്ചവെച്ച ഇഷാന്ത് ശർമയാണ് മത്സരത്തിലെ മാൻ ഓഫ് ദ മാച്ച് കരസ്ഥമാക്കി.

ബൗളർമാരുടെ തകർത്തെറിഞ്ഞതോടെ ആദ്യം ബാറ്റ് ചെയ്‌ത കൊല്‍ക്കത്ത നൈറ്റ് റൈഡേഴ്‌സ് 20 ഓവറില്‍ 127 റണ്‍സില്‍ ഓള്‍ഔട്ടായിരുന്നു. 128 വിജയലക്ഷ്യവുമായി ബാറ്റിങ്ങിനിറങ്ങിയ ഡല്‍ഹി ക്യാപിറ്റല്‍സിന്‍റെ ബാറ്റിംഗ് ശോകമൂകമായിരുന്നു. നാല് വിക്കറ്റിന്‍റെ ജയം നേടാന്‍ 19.2 ഓവര്‍ വരെ കാത്തിരിക്കേണ്ടിവന്നു.

ഐപിഎല്ലിലെ ഈ സീസണിൽ ആദ്യ ജയമാണ് ഡൽഹി ക്യാപിറ്റൽസ് നേടിയത്. തുടർച്ചയായ അഞ്ചു പരാജയങ്ങൾക്കൊടുവിലാണ് ഡൽഹി വിജയവഴിയിൽ തിരിച്ചെത്തിയത്. Photo by: Saikat Das / SPORTZPICS for IPL

നാലാം അർധസെഞ്ചറിയുമായി തകർത്തടിച്ച ക്യാപ്റ്റൻ ഡേവിഡ് വാർണറാണ് ഡൽഹിയുടെ വിജയശിൽപി.41 പന്തുകൾ നേരിട്ട വാർണർ 11 ഫോറുകൾ സഹിതം 57 റൺസെടുത്ത് പുറത്തായി. Photo by: Saikat Das / SPORTZPICS for IPL