Rafael Nadal: ടെന്നീസ് ഇതിഹാസതാരം റാഫേൽ നദാൽ വിരമിക്കൽ പ്രഖ്യാപിച്ചു

ബാഴ്‌സലോണ: 22 തവണ ഗ്രാൻഡ്ലാം കിരീടമണിഞ്ഞ കളിമൺ കോർട്ടിലെ രാജാവ് ഇതിഹാസ ടെന്നീസ് താരം റാഫേൽ നദാൽ വിരമിക്കൽ പ്രഖ്യാപിച്ചു. നവംബറില്‍ മലാഗയില്‍ നടക്കുന്ന ഡേവിസ് കപ്പ് ഫൈനലില്‍ സ്പെയിനിനായി 38 കാരനായ താരം തന്റെ അവസാന മത്സരം കളിക്കും. (Picture Credit: AP)

വീഡിയോ സന്ദേശത്തിലൂടെയാണ് നദാല്‍ വിരമിക്കല്‍ പ്രഖ്യാപനം നടത്തിയത്. 'പ്രൊഫഷണല്‍ ടെന്നീസില്‍ നിന്ന് വിരമിക്കുകയാണെന്ന് നിങ്ങളെ അറിയിക്കുന്നു. 'ഇത് കുറച്ച് ബുദ്ധിമുട്ടുള്ള വര്‍ഷങ്ങളാണെന്നതാണ് യാഥാര്‍ത്ഥ്യം, കഴിഞ്ഞ രണ്ട് വര്‍ഷം പ്രത്യേകിച്ച്' നദാല്‍ സന്ദേശത്തില്‍ പറഞ്ഞു. (X)

പരിക്കുകള്‍ക്കിടെ 2024 തന്റെ അവസാന സീസണായിരിക്കുമെന്ന് നദാല്‍ നേരത്തെ സൂചന നൽകിയിരുന്നു. ഇടുപ്പിന് പരിക്കേറ്റതിനെത്തുടര്‍ന്ന് 2023 സീസണ്‍ ഭൂരിഭാഗവും താരത്തിന് നഷ്ടമായിരുന്നു. (AFP)

പ്രധാന എതിരാളിയായ നൊവാക് ജോക്കോവിച്ചിന് പിന്നില്‍, എക്കാലത്തെയും ഏറ്റവും മികച്ച പുരുഷ സിംഗിള്‍സ് കളിക്കാരനായിട്ടാണ് നദാല്‍ കരിയറിനോട് വിടപറയുന്നത്. (AP)

കളിമണ്‍ കോര്‍ട്ടിലെ രാജാവ് എന്ന് അറിയപ്പെടുന്ന നദാല്‍ 14 തവണ ഫ്രഞ്ച് ഓപ്പണ്‍ സിംഗിള്‍സ് കിരീടം നേടിയിട്ടുണ്ട്. നാലു തവണ യുഎസ് ഓപ്പണ്‍ ചാമ്പ്യനായിട്ടുണ്ട്. രണ്ട് തവണ വീതം ഓസ്‌ട്രേലിയന്‍ ഓപ്പണ്‍ കിരീടവും വിംബിള്‍ഡണും കരസ്ഥമാക്കി. (AP Photo/Alastair Grant)

ഒളിമ്പിക്സിൽ സിംഗിൾസിലും ഡബിൾസിലും സ്വര്‍ണം നേടിയ നദാല്‍ സ്പെയിനിനെ അഞ്ച് ഡേവിസ് കപ്പ് കിരീടങ്ങള്‍ നേടാന്‍ സഹായിച്ചിട്ടുണ്ട്.(AP Photo/Tertius Pickard)