രാഷ്‌ട്രപതി ഭവന്റെ കോർട്ടിൽ സൈന നേവാളിനൊപ്പം ബാഡ്മിന്റൺ കളിച്ച് പ്രസിഡന്റ് ദ്രൗപദി മുർമു

രാഷ്ട്രപതി ഭവനിലെ ബാഡ്മിൻ്റൺ കോർട്ടിൽ ഷട്ടിൽ താരം സൈന നേവാളിനൊപ്പം ബാഡ്മിൻ്റൺ കളിച്ച് പ്രസിഡൻ്റ് ദ്രൗപതി മുർമു (Droupadi Murmu). ഒരു ബാഡ്മിൻ്റൺ പവർഹൗസ് എന്ന നിലയിൽ ഇന്ത്യയുടെ ഉയർച്ചയെ എടുത്തുകാട്ടുക എന്ന ലക്ഷ്യത്തോടെയായിരുന്നു ഇത്തരമൊരു നിമിഷം അരങ്ങേറിയത്. പ്രത്യേകിച്ച് ആഗോളതലത്തിൽ ഇന്ത്യൻ വനിതാ താരങ്ങളുടെ ഗണ്യമായ സംഭാവനകൾ കൂടി പരിഗണിക്കുമ്പോൾ

വാർത്താ ഏജൻസിയായ എഎൻഐ പങ്കുവെച്ച ദൃശ്യങ്ങൾ അനുസരിച്ച്, സൈന നേവാളിനൊപ്പം ബാഡ്മിൻ്റൺ കളിക്കുന്ന മുർമുവിനെ കാണാം. സദസ്സിൽ രാഷ്‌ട്രപതിയെ കയ്യടിച്ച് പ്രോത്സാഹിപ്പിക്കുന്ന ഒരു ജനക്കൂട്ടവും ഉണ്ടായിരുന്നു (തുടർന്ന് വായിക്കുക)

'എൻ്റെ ജീവിതത്തിലെ എത്ര അവിസ്മരണീയമായ ദിവസമാണ് ഇത്.. എന്നോടൊപ്പം ബാഡ്മിൻ്റൺ കളിച്ചതിന് വളരെ നന്ദി പ്രസിഡൻ്റ് മാം,' തൻ്റെ അനുഭവത്തെക്കുറിച്ച് സൈന എക്സ് പ്ലാറ്റ്‌ഫോമിൽ കുറിച്ചു

പത്മ പുരസ്‌കാര ജേതാക്കളെ അവതരിപ്പിക്കുന്ന 'ഹർ സ്റ്റോറി - മൈ സ്റ്റോറി' എന്ന പ്രഭാഷണ പരമ്പരയുടെ ഭാഗമായി, പത്മശ്രീ, പത്മഭൂഷൺ പുരസ്‌കാരങ്ങൾ നേടിയ ഇന്ത്യൻ കായികതാരം സൈന നെഹ്‌വാൾ രാഷ്ട്രപതിഭവനിൽ പ്രഭാഷണം നടത്തി സദസ്സുമായി സംവദിക്കും. ജൂലൈ 11 വ്യാഴാഴ്ചയാണ് പരിപാടി