ധര്‍മ്മശാലയില്‍ സിക്‌സര്‍ അടിച്ച് ഹിറ്റ്മാന്‍ രോഹിതിന് റെക്കോര്‍ഡ്

ലോകകപ്പില്‍ ന്യൂസീലന്‍ഡിനെതിരായ മത്സരത്തിനിടെ റെക്കോര്‍ഡ് നേട്ടവുമായി ഇന്ത്യന്‍ നായകന്‍ രോഹിത് ശര്‍മ്മ.

ഏകദിനത്തില്‍ ഒരു കലണ്ടര്‍ വര്‍ഷത്തില്‍ 50 സിക്‌സറുകള്‍ നേടുന്ന ആദ്യ ഇന്ത്യന്‍ താരമെന്ന റെക്കോഡാണ്  ക്യാപ്റ്റന്‍ സ്വന്തമാക്കിയത്.

2017-ല്‍ സ്വന്തം പേരിലുണ്ടായിരുന്ന 46 സിക്‌സറുകളെന്ന റെക്കോര്‍ഡാണ് രോഹിത് തിരുത്തിക്കുറിച്ചത്.

ഇന്ത്യന്‍ ഇന്നിങ്‌സിന്റെ രണ്ടാം ഓവറില്‍ കിവീസ് താരം മാറ്റ് ഹെന്‍ റിയെ സിക്‌സറിന് പറത്തിയാണ് ഹിറ്റ്മാന്‍ നേട്ടം 50 ആക്കിയത്. മത്സരത്തില്‍ മൂന്ന് സിക്‌സറുകള്‍ കൂടി നേടിയ താരം നേട്ടം 53 ആക്കി ഉയര്‍ത്തി.

ഏകദിനത്തില്‍ ഒരു കലണ്ടര്‍ വര്‍ഷത്തില്‍ ഏറ്റവും കൂടുതല്‍ സിക്‌സറുകള്‍ നേടുന്ന താരമെന്ന റെക്കോര്‍ഡും രോഹിത് സ്വന്തമാക്കാനും സാധ്യതയുണ്ട്.

2015-ല്‍ ഏകദിനത്തില്‍ ഒരു കലണ്ടര്‍ വര്‍ഷത്തില്‍ 58 സിക്‌സറുകള്‍ നേടിയ ദക്ഷിണാഫ്രിക്കയുടെ എ ബി ഡിവില്ലിയേഴ്‌സാണ് ഒന്നാം സ്ഥാനത്ത്

2019-ല്‍ 56 സിക്‌സറുകള്‍ നേടിയ വെസ്റ്റിന്‍ഡീസിന്റെ ക്രിസ് ഗെയ്‌ലാണ് രണ്ടാം സ്ഥാനത്ത്. 6 സിക്‌സറുകള്‍ കൂടി നേടിയാല്‍ ഹിറ്റ്മാന്‍ ഒന്നാം സ്ഥാനത്തെത്തും.