വീണ്ടും താരമായി വേദാന്ത്; അന്താരാഷ്ട്ര മത്സരത്തിൽ സ്വന്തമാക്കിയത് 5 സ്വർണമെഡൽ

രാജ്യത്തിന് അഭിമാനമായി വീണ്ടും വേദാന്ത്. മലേഷ്യയിൽ നടന്ന നീന്തൽ മത്സരത്തിൽ ഇന്ത്യയ്ക്കു വേണ്ടി അഞ്ച് സ്വർണ മെഡലുകളാണ് നടൻ ആർ മാധവന്റെ മകൻ വേദാന്ത് നേടിയത്.

മകന്റെ വിജയം മാധവൻ സോഷ്യൽമീഡിയയിലൂടെ ആരാധകരുമായി പങ്കുവെച്ചിട്ടുണ്ട്. 50,100,200,400,1500 മീറ്റർ മത്സരങ്ങളിലാണ് വേദാന്തിന്റെ സ്വർണ നേട്ടം.

മാധവന്റെ ട്വീറ്റിന് അഭിനന്ദനവുമായി നിരവധി താരങ്ങളും മറുപടി നൽകിയിട്ടുണ്ട്.

ഈ വർഷം ഫെബ്രുവരി മാസത്തിൽ നടന്ന ഖേലോ ഇന്ത്യയിലും വേദാന്ത് മെഡലുകൾ വാരിക്കൂട്ടിയിരുന്നു.

സ്വർണവും വെള്ളിയും ഉൾപ്പെടെ ഏഴ് മെഡലുകളായിരുന്നു അന്ന് താരം നേടിയത്.

വേദാന്തിന് നീന്തലിൽ വിദഗ്ധ പരിശിലനത്തിനായി രണ്ട് വർഷം മുമ്പ് മാധവൻ കുടുംബ സമേതം ദുബായിലേക്ക് താമസം മാറിയിരുന്നു. ഒളിമ്പിക്സാണ് വേദാന്തിന്റെ ലക്ഷ്യം.

ഇന്ത്യയെ പ്രതിനിധീകരിച്ച് അടുത്ത ഒളിമ്പിക്സിൽ വേദാന്ത് പങ്കെടുത്തേക്കും. കാര്യങ്ങൾ അനുകൂലമായാൽ ഇന്ത്യയ്ക്ക് ഒരു മെഡൽ എന്ന വേദാന്തിന്റെ സ്വപ്നവും പൂവണിയാം.