രാജസ്ഥാനെതിരെ ഗോൾഡൻ ഡക്ക്; ഏപ്രിൽ 23 കോഹ്ലിയുടെ മോശം ദിവസമോ?

ഐപിഎല്ലിൽ രാജസ്ഥാൻ റോയല്‍സിന് മികച്ച തുടക്കമല്ലായിരുന്നു. മത്സരത്തിലെ ആദ്യ ഓവറിലെ ആദ്യ പന്തിൽ തന്നെ ടീമിനെ നയിക്കുന്ന സൂപ്പർ താരം വിരാട് കോഹ്ലി പുറത്തായി .ട്രെൻഡ് ബോൾട്ട് കോലിയെ എൽബിഡബ്യൂവിൽ കുടുക്കുകയായിരുന്നു.

എന്നാൽ കോഹ്ലിയുടെ ഗോൾഡൻ ഡക്കിൽ സമൂഹമാധ്യമങ്ങളിൽ മറ്റൊരു ചർച്ചയാണ് നടക്കുന്നത്. ഏപ്രിൽ 23 എന്ന ദിവസം എപ്പോഴും നിർഭാഗ്യമാണെന്നാണ് ആരാധകർ പറയുന്നത്. ഇത് മൂന്നാം വട്ടമാണ് കോഹ്ലി ഏപ്രില്‍‌ 23ന് സംപൂജ്യനായി മടങ്ങുന്നത്.

ആദ്യം സംഭവിച്ചത് 2017ൽ കെകെആറിന് എതിരെയാണ്. അന്ന് നഥാൻ കോൾ‌ട്ടൻനൈലിന് മുന്നിൽ കോഹ്ലി കീഴടങ്ങി. കഴിഞ്ഞ വർഷം ഏപ്രിൽ 23ന് വീണ്ടും അത് തന്നെ സംഭവിച്ചു. സൺറൈസേഴ്സ് ഹൈദരാബാദിന്റെ മാർക്കോ യാൻസനായിരുന്നു അത്തവണ കോഹ്ലിയുടെ വിക്കറ്റ്.

ഇത്തവണ രാജസ്ഥാന്റെ ട്രെൻഡ് ബോൾട്ടിന് കോലി പുറത്താക്കാനുള്ള അവസരം ലഭിച്ചത്. ആദ്യ ഓവറിലെ ആദ്യ പന്തിൽ തന്നെ കോഹ്ലി എൽബിഡബ്ല്യുവിൽ കുടുങ്ങി പുറത്തായി.

എന്നാൽ ക്യാപ്റ്റന്റെ പുറത്താകൽ ടീം ടോട്ടലിനെ തളർത്തിയില്ല. ഫാഫ് ഡുപ്ലസിയും ​​ഗ്ലെൻ മാക്സ്‍‍വെല്ലും ഒന്നിച്ചതോടെ മിന്നുന്ന പ്രകടനം ടീം പുറത്തെടുക്കുകയും ചെയ്തു. ഇരുവരും തകര്‍ത്തടിച്ചതോടെ രാജസ്ഥാൻ റോയൽസിനെതിരെ 190 റൺസ് വിജയ ലക്ഷ്യമുയർത്തി.

20 ഓവറിൽ ഒൻപതു വിക്കറ്റ് നഷ്ടത്തിൽ 189 റൺസെടുത്തു. ഡുപ്ലെസിയും മാക്‌സ്വെല്ലും അർധ സെഞ്ചറി നേടി. മാക്സ്‍വെൽ 44 പന്തിൽ 77 റൺസും ഫാഫ് ഡുപ്ലെസി 39 പന്തിൽ 62 റൺസും നേടി പുറത്തായി.