Kerstin (Kiki) Hakansson|ബിക്കിനിയിലെത്തി മാർപാപ്പയുടെ വിമർശനം നേരിട്ട ഏക ലോകസുന്ദരി; കികി ഹകാൻസൺ അന്തരിച്ചു

ആദ്യ ലോകസുന്ദരി പട്ടം നേടിയ കികി ഹകാൻസൺ അന്തരിച്ചു. തന്റെ 95ാം മത്തെ വയസ്സിലാണ് കികി ഹകാൻസൺ ലോകത്തോട് വിട പറഞ്ഞത്. കാലിഫോർണിയയിലെ വീട്ടിൽ വെച്ചായിരുന്നു കികി ഹകാൻസണിന്റെ അന്ത്യം.

1929 ജൂൺ 17-ന് സ്വീഡനിലാണ് കെർസ്റ്റിൻ "കിക്കി" മാർഗരറ്റ ഹകാൻസൺ ജനിച്ചത്. മിസ് വേൾഡ് ഓർഗനൈസേഷന്റെ ഇൻസ്റ്റഗ്രാം പോജിലൂടെയാണ് കികി ഹകാൻസന്റെ മരണ വാർത്ത ലോകത്തെ അറിയിച്ചത്.

1951ൽ നടന്ന മിസ്സ് വേൾഡ് മത്സരത്തിലാണ് കികി ഹകാൻസൺ ലോകസുന്ദരി കിരീടം ചൂടി ചരിത്രം സൃഷ്ടിച്ചത്. ബിക്കിനിയിട്ട് മിസ് വേൾഡ് കിരീടം ചൂടിയ ഒരേയൊരു വ്യക്തികൂടിയാണ് കികി.

ബിക്കിനിയിൽ മത്സരിച്ചതിനാൽ തന്നെ പിന്നാലെ ഏറെ വിവാദങ്ങൾക്കും കികി ഹാൻസൺ പാത്രമായി. കികി ഹാൻസൺ ബിക്കിനിയിൽ എത്തിയതിൽ അന്നത്തെ മാർപ്പാപ്പ പയസ് പന്ത്രണ്ടാമൻ വരെ അപലപിച്ചു.

അന്ന് നടന്ന മത്സരത്തിൽ ബ്രിട്ടനിൽ നിന്ന് മാത്രം 21 മത്സരാർത്ഥികളാണ് ഉണ്ടായിരുന്നത്. ഫെസ്റ്റിവൽ ഓഫ് ബ്രിട്ടന്റെ ആഘോഷങ്ങളുടെ ഭാഗമായി തുടങ്ങിയതായിരുന്നു മത്സരം. പിന്നീടത് മിസ് വേൾഡ് എന്നറിയപ്പെടുകയായിരുന്നു.

സംഘാടകനായ എറിക് മോർലി മിസ് വേൾഡ് മത്സരം ഒരു വാർഷിക പരിപാടിയാക്കാൻ തീരുമാനിച്ചപ്പോൾ, ബിക്കിനി നിരോധിക്കുകയും ചെയ്തു. പകരം മിതമായ നീന്തൽ വസ്ത്രങ്ങൾ ധരിക്കുകയെന്ന തീരുമാനത്തിലേക്കെത്തുകയായിരുന്നു.