എം.എൽ.എ കഴിഞ്ഞ ഒരാഴ്ചയായി തിരുവനന്തപുരത്ത് നിരീക്ഷണത്തിൽ കഴിയുകയായിരുന്നു. വാഴത്തോപ്പ് പഞ്ചായത്ത് പ്രസിഡന്‍റിനും ഇടുക്കി ബ്ലോക്ക് പഞ്ചായത്ത് അംഗത്തിനും കോവിഡ് സ്ഥിരീകരിച്ചിട്ടുണ്ട്.
പേരാവൂർ എംഎൽഎ സണ്ണി ജോസഫിനും ബാലുശ്ശേരി എംഎൽഎ പുരുഷൻ കടലുണ്ടിക്കും കഴിഞ്ഞദിവസം കോവിഡ് 19 പോസിറ്റീവ് ആണെന്ന് സ്ഥിരീകരിച്ചിരുന്നു. അടൂർ എം.എൽ.എ ചിറ്റയം ഗോപകുമാറിനും കോവിഡ് സ്ഥിരീകരിച്ചിരുന്നു.
You may also like:പ്രശസ്ത ഗായകൻ എസ്.പി ബാലസുബ്രഹ്മണ്യം അന്തരിച്ചു [NEWS]ഐഎസിന് വേണ്ടി യുദ്ധം ചെയ്തു; കനകമല കേസിൽ സുബഹാനി കുറ്റക്കാരനെന്ന് കോടതി [NEWS] കുഴഞ്ഞു വീണ ഡീൻ ജോൺസിന് സിപിആർ നൽകി ബ്രെറ്റ്ലി [NEWS]
advertisement
ഇതിനുപിന്നാലെ ആയിരുന്നു സംസ്ഥാന കൃഷിമന്ത്രി വി.എസ് സുനിൽ കുമാറിന് കോവിഡ് സ്ഥിരീകരിച്ചത്. മന്ത്രിമാരായ തോമസ് ഐസക്കിനും ഇ.പി ജയരാജനും ശേഷം സംസ്ഥാനത്ത് കോവിഡ് സ്ഥിരീകരിച്ച മൂന്നാമത്തെ മന്ത്രി ആയിരുന്നു വി.എസ് സുനിൽകുമാർ. കോവിഡ് സ്ഥിരീകരിച്ച സാഹചര്യത്തിൽ താനുമായി ഇടപെട്ടവരും സ്റ്റാഫും സ്വയം നിരീക്ഷണത്തിൽ പോകണമെന്ന് കൃഷിമന്ത്രി നിർദ്ദേശിച്ചിരുന്നു.
ഡൽഹിയിൽ പാർലമെന്റ് സമ്മേളനത്തിൽ പങ്കെടുക്കാൻ എത്തിയ എൻ.കെ പ്രേമചന്ദ്രൻ എം.പിക്ക് ഞായറാഴ്ച ആയിരുന്നു കോവിഡ് 19 പോസിറ്റീവ് ആണെന്ന് സ്ഥിരീകരിച്ചത്. ഡൽഹി എയിംസ് ആശുപത്രിയിൽ പ്രവേശിപ്പെട്ട അദ്ദേഹം അവിടെ ചികിത്സയിലാണ്. തൊണ്ടവേദനയും പനിയും ഉൾപ്പെടെയുള്ള ലക്ഷണങ്ങൾ കണ്ടതിനെ തുടർന്ന് കോവിഡ് പരിശോധനയ്ക്ക് വിധേയനാകുകയായിരുന്നു.
സംസ്ഥാനത്ത് ആദ്യമായി കോവിഡ് പോസിറ്റീവ് ആണെന്ന് സ്ഥിരീകരിച്ചത് മന്ത്രി തോമസ് ഐസക്കിന് ആയിരുന്നു. പത്തോളം ദിവസത്തെ ആശുപത്രി വാസത്തിനു ശേഷം ഫലം നെഗറ്റീവ് ആയതിനെ തുടർന്ന് സെപ്റ്റംബർ 15ന് അദ്ദേഹം ആശുപത്രി വിട്ടിരുന്നു. തോമസ് ഐസക്കിന് പിന്നാലെ മന്ത്രി ഇ.പി ജയരാജനും ഭാര്യയ്ക്കും കോവിഡ് സ്ഥിരീകരിച്ചിരുന്നു. കോവിഡ് ഫലം നെഗറ്റീവ് ആയതിനെ തുടർന്ന് ഇവരും ആശുപത്രിയിൽ നിന്ന് ഡിസ്ചാർജ് ആയിരുന്നു.