News18 survey on Farm Reforms | 'കാർഷിക പരിഷ്കരണ നിയമങ്ങൾ കർഷകർക്ക് ഗുണം ചെയ്യും; പ്രതിഷേധം പിൻവലിക്കണം'; ന്യൂസ് 18 ദേശീയ സർവേ ഫലം

കാർഷിക പരിഷ്കരണ നിയമങ്ങൾക്കെതിരായ പ്രതിഷേധം രാഷ്ട്രീയ പ്രേരിതമാണെന്ന് സർവേയിൽ പങ്കെടുത്ത 54% പേരും വിശ്വസിക്കുന്നു. കാർഷിക പരിഷ്കരണ നിയമങ്ങൾ റദ്ദാക്കണമെന്ന് പ്രതിഷേധിക്കുന്ന കർഷകർക്കു വേണ്ടി വിട്ടുവീഴ്ച ചെയ്യണമെന്ന് 59% ആളുകളും അഭിപ്രായപ്പെട്ടു. പുതിയ കാർഷിക പരിഷ്കരണ നിയമപ്രകാരം കർഷകർക്ക് മികച്ച വില നേടികൊടുക്കുമെന്ന് സർവെയിൽ പങ്കെടുത്ത 67% പേർ ചൂണ്ടിക്കാട്ടി.

Also Read 'പുതിയ കാർഷിക നിയമം കാലഘട്ടത്തിന്റെ ആവശ്യം'; കർഷകരുടെ ജീവിത നിലവാരം ഉയർത്തുമെന്ന് പ്രധാനമന്ത്രി നരേന്ദ്ര മോദി

advertisement

72% പേർ ഇന്ത്യൻ കാർഷിക പരിഷ്കരണത്തെയും നവീകരണത്തെയും പിന്തുണയ്ക്കുന്നുവെന്ന് അഭിപ്രായപ്പെട്ടു.കർഷകർക്ക് അവരുടെ ഉൽ‌പ്പന്നങ്ങൾ കൂടുതൽ വിലയ്ക്ക് പുറത്ത് വിൽക്കാൻ അവസരം ലഭിക്കുന്ന സാഹചര്യത്തെ 75 ശതമാനം പേർ സ്വാഗതം ചെയ്യുന്നു. കുറഞ്ഞ താങ്ങുവില തുടരുമെന്ന രേഖാമൂലമുള്ള ഉറപ്പ് സർക്കാർ വാഗ്ദാനം ചെയ്യുന്നതിനെ 59% പേർ പിന്തുണയ്ക്കുന്നു.

എല്ലാ പ്രദേശങ്ങളിലുമുള്ളവർ (70% ന് മുകളിൽ) കാർഷിക മേഖലയിലെ പരിഷ്കരണത്തിനും നവീകരണത്തിനുമുള്ള പിന്തുണ സർവേയിലൂടെ വ്യക്തമാക്കുന്നുണ്ട്. തെക്കൻ സംസ്ഥാനങ്ങൾ കൂടുതൽ പിന്തുണ പ്രകടിപ്പിക്കുന്നത്. തെക്കൻ സംസ്ഥാനങ്ങളിൽനിന്ന് 74% പേരാണ് ഇക്കാര്യം ആവശ്യപ്പെടുന്നത്.

കാർഷിക മേഖലയിലെ നവീകരണത്തിനു ഏറ്റവും കൂടുതൽ പിന്തുണ നൽകിയ സംസ്ഥാനങ്ങൾ ഗുജറാത്ത് (96.59%), മഹാരാഷ്ട്ര (83.33%), ഒഡീഷ (85.5%), ബീഹാർ (84.87%) എന്നിവയാണ്. ഹരിയാനയിൽ 80% ആളുകളും കാർഷിക പരിഷ്കരണ നിയമങ്ങളെ പിന്തുണയ്ക്കുന്നു. പഞ്ചാബിൽ നിന്നുള്ള 56.36% പേരും നിയമങ്ങളെ പിന്തുണയ്ക്കുന്നു. രാജ്യത്തിന്‍റെ പ്രദേശം തിരിച്ചു പരിശോധിക്കുമ്പോൾ ഉത്തരേന്ത്യയിൽ നിന്നാണ് കേന്ദ്ര സർക്കാരിന്‍റെ കാർഷിക പരിഷ്ക്കരണ നിയമത്തിന് ഏറ്റവുമധികം പിന്തുണ ലഭിക്കുന്നത്. 63.77% ഉത്തരേന്ത്യക്കാർ പിന്തുണ അറിയിക്കുന്നു. പശ്ചിമ ഇന്ത്യയിൽനിന്ന് 62.90% പേർ പിന്തുണയ്ക്കുന്നു.

Also Read എന്തുകൊണ്ട് കാർഷിക പരിഷ്ക്കാരങ്ങൾ സംസ്ഥാന സർക്കാരുകൾക്ക് വിട്ടുകൊടുക്കണം

എല്ലാ മേഖലകളിൽ നിന്നുമുള്ളവർ കർഷകർക്ക് താങ്ങുവിലയ്ക്കു പുറത്ത് ഉൽ‌പ്പന്നങ്ങൾ വിൽക്കാൻ അവകാശം നൽകുന്നതിനെ പിന്തുണയ്ക്കുന്നു. ഉത്തരേന്ത്യയിൽ നിന്നാണ് ഏറ്റവും കൂടുതൽ പിന്തുണ (75.72%), കിഴക്ക് നിന്ന് 73.56% പേർ ഇതിനെ പിന്തുണയ്ക്കുന്നത്. എന്നാൽ ദക്ഷിണേന്ത്യയിൽ ഇതിൽ 59.57% പേർ മാത്രമാണ് പിന്തുണച്ചത്.

പുതിയ നിയമങ്ങൾ പ്രാപ്തമാക്കിയ വിശാലമായ അവസരം കാരണം കർഷകർക്ക് അവരുടെ ഉൽ‌പ്പന്നങ്ങൾക്ക് മികച്ച വില ലഭിക്കുമെന്ന് ഉത്തരേന്ത്യയിൽ നിന്നുള്ള 69.81% ആളുകൾ വിശ്വസിക്കുന്നു. ഹരിയാനയിൽ 80% പേരും പഞ്ചാബിൽ 76.36% പേരും ഇത് വിശ്വസിക്കുന്നു.

Also Read കാർഷിക പരിഷ്കാരം: രാഷ്ട്രീയമല്ല, സാമ്പത്തിക സമൃദ്ധിയെയാണ് സ്വീകരിക്കേണ്ടത്

കാർഷിക പരിഷ്കരണ നിയമങ്ങൾക്കെതിരായ പ്രതിഷേധം രാഷ്ട്രീയ പ്രേരിതമാണെന്ന് മധ്യപ്രദേശിൽ നിന്നുള്ള 80.43% പേരും ഹരിയാനയിൽ നിന്ന് 75% പേരും പഞ്ചാബിൽ നിന്ന് 60% പേരും ഉത്തർപ്രദേശിൽ നിന്ന് 57.23% പേരും വിശ്വസിക്കുന്നു. പ്രതിഷേധം അവസാനിപ്പിക്കണമെന്ന് ഭൂരിഭാഗം ആളുകളും ആഗ്രഹിക്കുന്നു. പ്രതിഷേധം പിൻവലിക്കണമെന്ന് പടിഞ്ഞാറൻ ഇന്ത്യയിൽനിന്ന് 66.36% പേരും കിഴക്കുനിന്നു 62.08% പേരും പ്രതികരിച്ചു. പ്രതിഷേധം പിൻവലിക്കണമെന്ന് ഡൽഹിയിൽ നിന്നുള്ള 76.47% പേരും, പഞ്ചാബിൽ നിന്ന് 63.64% പേരും ഉത്തർപ്രദേശിൽ നിന്ന് 65.06% പേരും, ഒഡീഷയിൽ നിന്ന് 83.50% പേരും, മഹാരാഷ്ട്രയിൽ നിന്ന് 80.56% പേരും അഭിപ്രായം പങ്കുവച്ചു.