പൃഥ്വിരാജിനെ അഭിമുഖം ചെയ്ത മിടുക്കി ഇന്ന് സെലിബ്രിറ്റി; 16 വർഷങ്ങൾക്ക് മുൻപുള്ള ദൃശ്യങ്ങൾ പുറത്ത്

ഈ ദൃശ്യത്തിന് 16 വർഷങ്ങളുടെ പഴക്കമുണ്ട്. നടൻ പൃഥ്വിരാജിനെ (Prithviraj) മിടുക്കിയായ യുവതി അഭിമുഖം ചെയ്യുന്ന ദൃശ്യം ഇൻസ്റ്റഗ്രാമിൽ പ്രചരിക്കുന്ന വീഡിയോയിൽ കാണാം. അങ്ങനെ എത്രയെത്ര അഭിമുഖങ്ങൾ വന്നുപോയിരിക്കുന്നു എന്ന് തോന്നിയേക്കാം. അക്കൂട്ടത്തിൽ ഇങ്ങനെയൊരു വീഡിയോ എടുത്തുപറയാൻ കാരണം ഈ അഭിമുഖം ചെയ്യുന്ന യുവതി ഇന്ന് മലയാളികൾക്ക് സുപരിചിതയാണ് എന്നതിനാലാണ്

ഒരു ചാനൽ അഭിമുഖമായി പ്രത്യക്ഷപ്പെട്ട പരിപാടിയിലെ സുന്ദരിയായ അവതാരക ഇന്ന് ഒന്നിലേറെ മേഖലകളിൽ സജീവമാണ്. കഴിവിന്റെ പേരിൽ മാത്രമല്ല, വിവാദങ്ങളുടെ കാര്യത്തിലും അവർ പലപ്പോഴും വാർത്തകളിൽ ഇടംനേടിയിട്ടുണ്ട്. കൈക്കുഞ്ഞായിരുന്നപ്പോഴേ നടിയുമായി (തുടർന്ന് വായിക്കുക)

സിനിമാ മേഖലയുമായുള്ള ഈ യുവതിയുടെ ബന്ധം ആരംഭിക്കുന്നത് ഇവിടെ നിന്നുമാണ്. നടൻ ജയറാമിന്റെയും ഉർവശിയുടെയും മകളുടെ വേഷത്തിലായിരുന്നു ആദ്യ സിനിമയിലെ കഥാപാത്രം. അൽപ്പം കൂടി വളർന്ന മാളൂട്ടിയായി അഭിനയിച്ചത് നടി ശ്യാമിലിയാണ്

ഇപ്പോൾ ഇൻസ്റ്റഗ്രാമിൽ പ്രചരിക്കുന്ന വീഡിയോയുടെ കമന്റ് സെക്ഷൻ പരിശോധിച്ചാൽ, പലരും അഭയ ഹിരണ്മയി ഒരുപാട് മാറിപ്പോയി, എന്നാൽ പൃഥ്വിരാജ് അധികമൊന്നും മാറിയിട്ടില്ല എന്ന് പറഞ്ഞിരിക്കുന്നത് കാണാം. ഏറെക്കുറെ വാസ്തവമാണ് താനും

അഭിനയവും അഭിമുഖവും മറ്റുമായി തുടങ്ങി എങ്കിലും, സിനിമയിൽ സജീവമാകാൻ അവസരം ലഭിച്ചത് പാട്ടിലൂടെയാണ് എന്ന് മാത്രം. നമ്മുടെ കോയിക്കോട്... എന്ന ഗാനമാണ് അഭയ ഹിരണ്മയി എന്ന ഗായികയെ മലയാള സിനിമയിൽ അടയാളപ്പെടുത്തുന്നത്. എന്നാലും അടുത്തിടെ 'മലൈക്കോട്ടൈ വാലിബൻ' എന്ന മോഹൻലാൽ ചിത്രത്തിലും അഭയ മനോഹരമായ ഒരു പാട്ടുപാടി

സോഷ്യൽ മീഡിയയിൽ വളരെയേറെ സജീവമായ സെലിബ്രിറ്റിയാണ് അഭയ ഹിരണ്മയി. ഇൻസ്റ്റഗ്രാം പേജിൽ അവർ നിരന്തരം ആരാധകരുമായി ഇടപെഴുകാറുണ്ട്. ഭംഗിയായി വസ്ത്രം ധരിച്ചുള്ള തന്റെ ചിത്രങ്ങൾ അഭയ ഇവിടെ പോസ്റ്റ് ചെയ്യും

ഏതാനും പൊതുപരിപാടികളിലും അഭയ പെർഫോർമർ എന്ന നിലയിൽ നിറഞ്ഞു നിൽക്കും. കഴിഞ്ഞ ഡിസംബറിൽ അവസാനിച്ച ഐ.എഫ്.എഫ്.കെയിൽ അഭയ ഹിരണ്മയിയുടെ സംഗീത പരിപാടി അരങ്ങേറിയിരുന്നു

പാട്ടില്ലെങ്കിൽ ഫോട്ടോഷൂട്ടാണ് അഭയ ഹിരണ്മയിയുടെ ഇഷ്‌ടമേഖല. പലപ്പോഴായി വ്യത്യസ്ത വേഷങ്ങൾ ധരിച്ച, വേറിട്ട ലുക്കിലെ തന്റെ ചിത്രങ്ങൾ അഭയ ഇൻസ്റ്റഗ്രാമിൽ പോസ്റ്റ് ചെയ്യും

സൈബർ സ്‌പെയ്‌സിൽ ഏറ്റവുമധികം കമന്റ് ആക്രമണം നേരിട്ട വ്യക്തി കൂടിയാണ് അഭയ ഹിരണ്മയി. എന്നാൽ എല്ലാവിധ സൈബർ ആക്രമണങ്ങളെയും നേരിടാൻ അഭയക്ക് തന്റേതായ രീതിയുണ്ട്. ചിലർക്ക് കിട്ടേണ്ട സമയത്തു തന്നെ മറുപടി നൽകി വിടാൻ അഭയ മറന്നിട്ടില്ല