തമന്നയുമായുള്ള വിവാഹം അടുത്തുതന്നെയുണ്ടാകുമോ? അമ്മയോട് പോലും ഉത്തരം പറയാനാകില്ലന്ന് നടൻ വിജയ് വര്‍മ

ബോളിവുഡ് താരം വിജയ് വര്‍മയും തെന്നിന്ത്യന്‍ നടി തമന്ന ഭാട്ടിയയും പ്രണയത്തിലാണെന്ന വാർത്തകൾ നേരത്തേ മുതൽ പ്രചരിക്കുന്നുണ്ട്. ഈ വാർത്തകളോട് ഇരുവരും പ്രതികരിച്ചിട്ടില്ലെങ്കിലും താരങ്ങളെ ഒന്നിച്ച് പല വേദികളിലും കണ്ടതോടെ ആരാധാകരും ഇത് ഉറപ്പിച്ചിരിക്കുകയാണ്.

എന്നാൽ ഇപ്പോൾ വിവാഹം അടുത്തുതന്നെയുണ്ടാകുമോ എന്ന മാധ്യമപ്രവര്‍ത്തകന്റെ ചോദ്യത്തിന് 'ഈ ചോദ്യത്തിനുള്ള ഉത്തരം എന്റെ അമ്മയോട് പോലും പറയാന്‍ എനിക്ക് കഴിഞ്ഞിട്ടില്ല. നിങ്ങള്‍ക്കും ഉത്തരം നല്‍കാന്‍ എനിക്ക് കഴിയില്ല'- എന്നായിരുന്നു വിജയിന്റെ മറുപടി.

താന്‍ വിവാഹം കഴിക്കുന്നത് കാണാന്‍ ഒരു പെണ്‍കുട്ടിയും ആഗ്രഹിക്കുന്നില്ലെന്നും വിജയ് കൂട്ടിച്ചേര്‍ത്തു.

എന്നാൽ വിവാഹം കഴിക്കാനുള്ള മൂഡിലല്ല താനെന്നും, എന്നാൽ വിവാഹത്തിൽ വിശ്വസിക്കുന്നതായും തമന്ന തുറന്നു പറഞ്ഞിരുന്നു. 

ന്യൂസ് 18 ചാനലിനു നൽകിയ അഭിമുഖത്തിലാണ് തമന്ന ഇക്കാര്യങ്ങൾ വെളിപ്പെടുത്തിയത്. ഇത്തരത്തിലുള്ള ചോദ്യങ്ങൾ വേദനിപ്പിക്കാറുണ്ടെന്നും താരം തുറന്നു പറഞ്ഞു.

തമന്നയും വിജയ് വർമയും ഒരുമിച്ച് അഭിനയിച്ച ലസ്റ്റ് സ്റ്റോറീസ് 2 റിലീസിംഗിനിടെയാണ് ഇരുവരും തമ്മിലുള്ള പ്രണയത്തിലാണെന്ന വാർത്തകൾ പുറത്ത് വന്നത്.