Amala Paul | ഉദ്‌ഘാടനങ്ങൾക്ക് ഹണി റോസിനെക്കാൾ പ്രതിഫലം അമല പോളിനോ! ബോചെയുടെ ആഭരണക്കട തുറന്ന് താരം

മലയാള സിനിമാ മേഖലയിൽ ഉദ്‌ഘാടന ചടങ്ങുകളിൽ തിളങ്ങി നിൽക്കുന്ന താരങ്ങൾ നിരവധിയാണ്. കഴിഞ്ഞ ദിവസം ബോബി ചെമ്മണ്ണൂരിന്റെ ജ്വലറിയുടെ ഉദ്‌ഘാടനത്തിനായി നടി അമല പോൾ (Amala Paul) എത്തിയിരുന്നു. താരത്തിന്റെ വരവ് സോഷ്യൽ മീഡിയയിൽ ഗംഭീരമായി ആഘോഷിക്കപ്പെട്ടു. ഭർത്താവ് ജഗത്ത് ദേശായിയുടെ ഒപ്പമാണ് അമല പോൾ എത്തിച്ചേർന്നത്. കാസർഗോഡ് വച്ചായിരുന്നു ചടങ്ങ് നടന്നത്. ഈ വിശേഷം അമലയുടെയും ബോബി ചെമ്മണ്ണൂരിന്റെയും പേജുകളിൽ എത്തിച്ചേർന്നു. ഹണി റോസ്, അന്ന രാജൻ, മാളവിക മേനോൻ തുടങ്ങിയവർ ഉദ്‌ഘാടന ചടങ്ങുകളിൽ സജീവമായി നിൽക്കുന്ന അഭിനേതാക്കളാണ്

സിനിമകളുടെ എണ്ണത്തേക്കാൾ എന്തുകൊണ്ടും കൂടുതലാണ് അതിഥികളായി പങ്കെടുക്കാൻ അവസരം ലഭിക്കുന്ന ഉദ്‌ഘാടന ചടങ്ങുകൾ. കേരളത്തിനകത്തും പുറത്തും ഇത്തരം പരിപാടികൾ ഇവർക്ക് ലഭിക്കാറുണ്ട്. ഉദ്ഘടന ചടങ്ങുകളുടെ എണ്ണം മാത്രമല്ല, പ്രതിഫലവും നല്ല നിലയിൽ ലഭിക്കുന്ന ഇടങ്ങളിലാണ് താരങ്ങൾ വന്നുചേരുക. കേരളത്തിലും, രാജ്യത്തും രാജ്യത്തെ മറ്റുഭാഗങ്ങളിലും പുറത്തും ഉദ്‌ഘാടനങ്ങൾക്ക് ഏറെ ഡിമാൻഡ് ഉള്ള താരമാണ് ഹണി റോസ്. 2023ൽ ഹണി റോസ് ആന്ധ്ര പ്രദേശിലെ ഓർ മാൾ ഉദ്‌ഘാടനം ചെയ്യാനായി 50 ലക്ഷത്തിനും 60 ലക്ഷത്തിനും ഇടയിൽ പ്രതിഫലം പറ്റിയിരുന്നു എന്ന് ചില തെലുങ്ക് മാധ്യമങ്ങൾ റിപ്പോർട്ട് ചെയ്തിരുന്നു (തുടർന്ന് വായിക്കുക)

എന്നാൽ, സിനിമയുടെ കാര്യം പരിശോധിച്ചാൽ, ഹണി റോസിനെക്കാൾ പ്രതിഫലം വാങ്ങുന്ന നടിയാണ് അമല പോൾ. ഒന്ന് മുതൽ രണ്ടു കോടി രൂപ വരെയാണ് അമല പോൾ ഒരു സിനിമയ്ക്ക് പ്രതിഫലമായി വാങ്ങുന്നത്. മലയാളത്തിലേക്കാൾ, അന്യഭാഷകളിൽ സിനിമയും ആരാധാകരും കൂടുതലുള്ള താരമാണ് അമല പോൾ. ലൈഫ്സ്റ്റൈലിന്റെ കാര്യത്തിലും അമല പോൾ ഒട്ടും പിന്നിലല്ല. ആഡംബര കാറുകളുടെ കമനീയ ശേഖരം തന്നെയുണ്ട് അമല പോളിന്. കഴിഞ്ഞ ദിവസം നടന്ന ജ്വലറി ഉദ്‌ഘാടനത്തിനു അമല പോൾ ബോബി ചെമ്മണ്ണൂരിന്റെ പക്കൽ നിന്നും ഏറ്റുവാങ്ങിയ ഈ ഡയമണ്ട് മാലയുടെ വിവരവും സോഷ്യൽ മീഡിയയിൽ കാട്ടുതീപോലെ പടർന്നിരുന്നു

ഈ നെക്ലേസിന് നാല് കോടി രൂപയാണ് വില എന്ന് തദവസരത്തിൽ ബോബി ചെമ്മണ്ണൂർ തന്നെ പറഞ്ഞു. ഈ മാല അമല പോളിന് ബോചെ സൗജന്യമായി നൽകിയോ എന്നാണ് ഈ ദൃശ്യം കണ്ടവർ എടുത്തിട്ട ചോദ്യം. എന്നാൽ, ഈ നെക്ലേസ് വാങ്ങുന്നവർക്ക് തന്റെ സുരക്ഷാപടയെ കൂടെ വിടേണ്ടി വരും എന്ന് ബോബി ചെമ്മണ്ണൂർ. വിലയേറിയ ആ നെക്ലേസ് അവതരിപ്പിക്കുന്നതായിരുന്നു അമല പോളിന്റെ ചുമതല. അമല പൊതുവെ മിനിമൽ ലുക്കിൽ പൊതുവിടങ്ങളിൽ പ്രത്യക്ഷപ്പെടുന്ന താരമാണ് താനും

എന്നിരുന്നാലും, സിനിമയിൽ കോടികൾ പ്രതിഫലം പറ്റുന്ന നായികയ്ക്ക് ഉദ്‌ഘാടന ചടങ്ങിലും കിട്ടുന്ന തുക ചെറുതാവാൻ സാധ്യതയില്ല. ഹണി റോസിന്റെ പ്രതിഫലം ചർച്ചയായപ്പോഴും, അമല പോൾ നേടുന്ന തുക എത്രയെന്ന വിവരം എവിടെയും വന്നിട്ടില്ല. അത് ചർച്ചയായിട്ടുമില്ല. മകൻ ഇലൈ പിറന്നതില്പിന്നെ അമല പോൾ പുതിയ ചിത്രങ്ങളിൽ അഭിനയിക്കാൻ ആരംഭച്ചിട്ടില്ല. ഹോട്ടൽ ആൻഡ് ഹോസ്പിറ്റാലിറ്റി മേഖലയിൽ ജോലി ചെയ്യുന്ന ഗുജറാത്ത് സ്വദേശിയാണ് അമല പോളിന്റെ ഭർത്താവ് ജഗത് ദേശായി

ഇൻസ്റ്റഗ്രാമിൽ 5.6M ഫോളോവേഴ്സ് ഉള്ള താരമാണ് അമല പോൾ. കഴിഞ്ഞ മാസം തന്റെ ആഡംബര കാർ ശേഖരത്തിലേക്ക് അമല പോൾ ഒരു പുത്തൻ കാർ കൂടി സ്വന്തമാക്കിയിരുന്നു. മകനെ ഈ കാറിന്റെ മുകളിൽ ഇരുത്തി ഭർത്താവിന്റെ ഒപ്പം നിന്ന് പോസ് ചെയ്യുന്ന ദൃശ്യം അമല പോളിന്റെ ഇൻസ്റ്റഗ്രാം പേജിൽ റീൽസ് വീഡിയോ ആയി എത്തിച്ചേർന്നിരുന്നു