പൊലീസ് സ്റ്റേഷന് 'ചൈനീസ് പാറാവ്'; വാനരപ്പടയെ തുരത്താൻ റബർ പാമ്പ് തന്ത്രം
- Published by:Rajesh V
- news18-malayalam
Last Updated:
വാനരക്കൂട്ടം പൊലീസ് സ്റ്റേഷനിലെത്തി അതിക്രമം നടത്തുന്ന വര്ധിച്ചതോടെയാണ് ഉദ്യോഗസ്ഥര് റബ്ബര് പാമ്പ് തന്ത്രമിറക്കിയത്. സമീപ പ്രദേശത്തെ കൃഷിയിടത്തിലിറക്കിയ വിദ്യ പൊലീസുകാര് സ്റ്റേഷനിലും പരീക്ഷിക്കുകയായിരുന്നു
advertisement
1/6

ഇടുക്കി കമ്പംമെട്ട് പൊലീസ് സ്റ്റേഷനിലേക്ക് പരാതിയുമായി എത്തുന്നവർ ആദ്യം പേടിക്കും. കാരണം, സ്റ്റേഷന്റെ പരിസര പ്രദേശങ്ങള് നിറയെ 'പാമ്പുകളാണ്'. അതും വിവിധ വലുപ്പത്തിലും നിറത്തിലുമുള്ളവ. എന്നാൽ പരാതി നല്കാന് വരുന്നവരെയല്ല, വാനരപ്പടയെ പേടിപ്പിക്കാൻ ലക്ഷ്യമിട്ടാണ് ഈ ചൈനീസ് കളിപ്പാമ്പുകൾ സ്റ്റേഷന് പരിസരം കീഴടക്കിയിരിക്കുന്നത്.
advertisement
2/6
കേരള - തമിഴ്നാട് അതിർത്തിയോട് ചേർന്നാണ് കമ്പംമെട്ട് പൊലീസ് സ്റ്റേഷൻ സ്ഥിതി ചെയ്യുന്നത്. തൊട്ടടുത്ത് തമിഴ്നാട് വനഭൂമിയാണ്. ഇവിടെ നിന്നും എത്തുന്ന വാനരക്കൂട്ടം സ്റ്റേഷനും പരിസരവാസികൾക്കും ഉണ്ടാക്കുന്ന ശല്യം ചെറുതല്ല.
advertisement
3/6
കുരങ്ങന്മാരുടെ ശല്യംകൊണ്ട് സഹികെട്ടതോടെയാണ് ഇവയെ തുരത്താൻ ഉദ്യോഗസ്ഥര് മറ്റുവഴികൾ ആരാഞ്ഞത്. തുടർന്ന് പൊലീസ് സ്റ്റേഷന്റെ മുൻവശത്തും സമീപത്തെ മരങ്ങളിലും ചൈനീസ് റബ്ബര് പാമ്പുകളെ പരീക്ഷിക്കുകയായിരുന്നു.
advertisement
4/6
ഉടുമ്പൻചോലയിലെ സ്വകാര്യ ഏലത്തോട്ടത്തിൽ കുരങ്ങന്മാരുടെ ശല്യം നിയന്ത്രിക്കാൻ ചൈനീസ് പാമ്പുകളെ ഉപയോഗിച്ചതായുള്ള വാർത്തകൾ കണ്ടാണ് പൊലീസ് സ്റ്റേഷൻ പരിസരത്തും ഈ തന്ത്രം പരീക്ഷിച്ചത്.
advertisement
5/6
ചൈനീസ് പാമ്പുകളെത്തിയതോടെ പൊലീസ് സ്റ്റേഷനില് നിലവില് കുരങ്ങന്മാരുടെ ആക്രമമുണ്ടാവുന്നില്ലെന്ന് ഉദ്യോഗസ്ഥര് പറയുന്നു. റബ്ബര് പാമ്പ് കളത്തിലിറങ്ങിയതോടെ സമീപത്തെ കർഷകരുടെ വിളകളും ആഹാരസാധനങ്ങളും വസ്ത്രങ്ങളും കുരങ്ങുകള് നശിപ്പിക്കുന്ന സാഹചര്യം ഒഴിവായെന്നാണ് നാട്ടുകാരുടെ വിലയിരുത്തല്.
advertisement
6/6
സ്റ്റേഷൻ വളപ്പിലെ പ്ലാവിൽ ചക്ക പഴുക്കുന്നതോടെ വാനരക്കൂട്ടമെത്താറുണ്ടായിരുന്നു. ചക്കക്കുരു സ്റ്റേഷൻ വളപ്പിലേക്ക് എറിയുന്നതും പതിവായിരുന്നു. എന്തായാലും വ്യാജപാമ്പുകൾ സ്ഥാപിച്ചതോടെ വാനരന്മാർ പൊലീസ് സ്റ്റേഷൻ പരിസരത്ത് നിന്ന് മുങ്ങി നടക്കുകയാണ്.
മലയാളം വാർത്തകൾ/Photogallery/Buzz/
പൊലീസ് സ്റ്റേഷന് 'ചൈനീസ് പാറാവ്'; വാനരപ്പടയെ തുരത്താൻ റബർ പാമ്പ് തന്ത്രം