Honey Rose: ഒരു വ്യക്തി ദ്വയാർത്ഥപ്രയോഗങ്ങളിലൂടെ അപമാനിക്കുന്നു; ഞാൻ പോകുന്നിടത്ത് മനപ്പൂർവം വരാൻ ശ്രമിക്കുന്നു; തുറന്നടിച്ച് ഹണി റോസ്

ഒരു വ്യക്തി തന്നെ മനപൂർവ്വം പിന്തുടരുകയും ദ്വയാർത്ഥപ്രയോഗങ്ങളിലൂടെ അപമാനിക്കുകയും ചെയ്യുന്നതായി നടി ഹണി റോസ്. എന്തുകൊണ്ട് അപമാനിക്കപ്പെടുമ്പോഴും പ്രതികരിക്കാത്തതെന്നും അത്തരം സ്റ്റേറ്റ്‌മെൻ്റസ് ആസ്വദിക്കുന്നത് കൊണ്ടാണോ അതോ പറയുന്നതെല്ലാം അംഗീകരിക്കുന്നത് കൊണ്ടാണോ എന്നുമാണ് അടുപ്പം ഉള്ളവർ ഇതിന് ചോദിക്കുന്നതെന്നും ഹണി.(Photo: Instagram)

ഇൻസ്റ്റ​ഗ്രാം അക്കൗണ്ടിലൂടെയാണ് തന്നെ മനപൂർവ്വമായി അപമാനിക്കുന്ന വ്യക്തിക്കെതിരെ താരം തുറന്നടിച്ചിരിക്കുന്നത്. പ്രസ്‌തുത വ്യക്തി പങ്കെടുക്കുന്ന ചടങ്ങിൽ പിന്നീട് ക്ഷണിച്ചപ്പോൾ പോകാൻ വിസമ്മതം പ്രകടിപ്പിച്ചതിന് പ്രതികാരമെന്നോണം പല വേദികളിലും തന്നെ അപമാനിക്കുന്നുവെന്നും ഹണി റോസ് പറഞ്ഞു.(Photo: Instagram)

''ഒരു വ്യക്തി ദ്വയാർത്ഥപ്രയോഗങ്ങളിലൂടെ മനപ്പൂർവം തുടർച്ചയായി പിന്നാലെ നടന്ന് അപമാനിക്കാൻ ശ്രമിക്കുമ്പോഴും പ്രതികരിക്കാത്തത് അത്തരം സ്റ്റേറ്റ്‌മെൻ്റസ് ആസ്വദിക്കുന്നത് കൊണ്ടാണോ അതോ പറയുന്നതെല്ലാം അംഗീകരിക്കുന്നത് കൊണ്ടാണോ എന്ന് അടുപ്പം ഉള്ളവർ ചോദിക്കുന്നു. പ്രസ്‌തുത വ്യക്തി പിന്നീടും ചടങ്ങുകൾക്ക് എന്നെ ക്ഷണിച്ചപ്പോൾ ഞാൻ പോകാൻ വിസമ്മതം പ്രകടിപ്പിച്ചതിന് പ്രതികാരമെന്നോണം ഞാൻ പോകുന്ന ചടങ്ങുകളിൽ മനപ്പൂർവം വരാൻ ശ്രമിക്കുകയും കഴിയുന്ന ഇടത്തെല്ലാം സ്ത്രീത്വത്തെ അപമാനിക്കുന്ന രീതിയിൽ എൻ്റെ പേര് മാധ്യമങ്ങളിലൂടെ പറയുകയും ചെയ്യുന്നു.(Photo: Instagram) 

പണത്തിൻ്റെ ധാർഷ്ട്യത്താൽ ഏതു സ്ത്രീയേയും ഒരാൾക്ക് അപമാനിക്കാൻ കഴിയുമോ, അതിനെ എതിർക്കാൻ ഇന്ത്യയിലെ നിയമസംവിധാനം ഒരു സംരക്ഷണവും നൽകുന്നില്ലേ എന്ന് ചോദിച്ചാൽ ഇയാളുടെ പ്രവർത്തികളിൽ ഇന്ത്യൻ ശിക്ഷാനിയമത്തിൽ സ്ത്രീകൾക്കെതിരെ ലൈംഗികദ്യോതകമായ (sexually coloured remarks) ഉദ്ദേശത്തോടെ സംസാരിക്കുകയും അതേ ഉദ്ദേശത്തോടെ പിന്തുടരുകയും ചെയ്യുന്നു എന്ന കുറ്റകൃത്യങ്ങൾ പ്രഥമദൃഷ്ട്യാ നിലനിൽക്കുന്നതാണ് എന്നാണ് അറിയാൻ സാധിച്ചത്.

ഞാൻ വ്യക്തിപരമായി, മാനസിക വൈകൃതം ഉള്ളവരുടെ ഇത്തരം പുലമ്പലുകളെ പുച്ഛത്തോടെയും സഹതാപത്തോടെയും അവഗണിക്കാറാണ് പതിവ്, അതിന് എനിക്ക് പ്രതികരണശേഷി ഇല്ല എന്നർത്ഥം ഇല്ല. ഒരാളുടെ വ്യക്തി സ്വാതന്ത്ര്യത്തിൻ്റെ വ്യാഖ്യാനത്തിൽ മറ്റൊരാളുടെ വ്യക്തിസ്വാതന്ത്ര്യത്തെ അപമാനിക്കാൻ ഉള്ള സ്വാതന്ത്ര്യം ഇല്ല''. എന്നാണ് ഹണി റോസ് കുറിച്ചത്.(Photo: Instagram)

നിരവധി സൈബർ ആക്രമണങ്ങൾക്ക് വിധേയയായ നടിയാണ് ഹണി റോസ്. സോഷ്യൽമീഡിയയിൽ ഏറ്റവും കൂടുതലായ ബോഡി ഷെയ്മിങ്ങിനും പലതരത്തിലുള്ള അപമാനങ്ങളും നടി നേരിടേണ്ടി വന്നിട്ടുണ്ട്.(Photo: Instagram)