കോടികളുടെ ആസ്തിയുള്ള ഹർദിക്കും നടാഷയും പിരിയുമ്പോൾ സ്വത്തുക്കൾ എങ്ങനെ കൈമാറും?

ക്രിക്കറ്റ് താരം ഹർദിക് പാണ്ഡ്യയുടെയും (Hardik Pandya) നടാഷ സ്റ്റാൻകോവിക്കിന്റെയും (Natasa Stankovic) വിവാഹമോചനം അത്രകണ്ട് അപ്രതീക്ഷിതമല്ലെങ്കിലും, ഔദ്യോഗിക പ്രഖ്യാപനത്തോട് കൂടി ഊഹാപോഹങ്ങൾക്ക് അന്ത്യമായിക്കഴിഞ്ഞു. രണ്ടുപേരും കഴിഞ്ഞ ദിവസം പോസ്റ്റ് ചെയ്യപ്പെട്ട ഒരു ഇൻസ്റ്റഗ്രാം കുറിപ്പോടു കൂടി ഇരുവഴിക്കാണെന്ന കാര്യം ഉറപ്പായിക്കഴിഞ്ഞു. 2020ൽ നടന്ന വിവാഹ നിശ്ചയത്തോടു കൂടിയാണ് ദമ്പതികൾ എന്ന നിലയിൽ ഇരുവരും അറിയപ്പെടാൻ തുടങ്ങിയത്

വിവാഹം നടക്കുമ്പോൾ നടാഷ ഗർഭിണിയായിരുന്നു എന്ന വിവരം രഹസ്യമല്ല. 2020 ജൂലൈ 30ന് അഗസ്ത്യ പാണ്ഡ്യ എന്ന ഇവരുടെ മകൻ പിറന്നു. കുഞ്ഞിന് നാല് വയസു തികയാൻ പോകുന്ന വേളയിലാണ് അച്ഛനമ്മമാർ വിവാഹ മോചിതരാകുന്നത് (തുടർന്ന് വായിക്കുക)

കുഞ്ഞിനെ അച്ഛനമ്മമാർ എന്ന നിലയിൽ ഇരുവരും ചേർന്ന് വളർത്തും എന്നാണ് ഹർദിക് പ്രസ്താവനയിൽ നൽകിയ വിശദീകരണം. അഗസ്ത്യ എന്ന മകനെ ലഭിച്ചതിൽ ജീവിതം ധന്യമായ വിവരവും ഹർദിക് പ്രസ്താവനയിൽ പറഞ്ഞിരുന്നു

ഇനിയും വ്യക്തി ബന്ധത്തിന് മങ്ങൽ ഏൽക്കില്ല എന്ന് പറയുമ്പോഴും, സ്വത്തിന്റെ കാര്യത്തിൽ ഇവർ എന്ത് തീരുമാനം എങ്ങനെ എടുക്കും എന്നതിൽ പലരും കണ്ണുനട്ടിരിപ്പാവും. 2016ൽ ക്രിക്കറ്റ് കരിയർ ആരംഭിച്ച ഹർദിക് എല്ലാ ഫോർമാറ്റിലും തന്റെ മികവ് തെളിയിച്ച വ്യക്തിയാണ്. ഇക്കഴിഞ്ഞ T20 ലോകകപ്പിലും ഹർദിക്കിന്റെ സാന്നിധ്യം ശ്രദ്ധേയമായിരുന്നു

റിപോർട്ടുകൾ പ്രകാരം, പാണ്ഡ്യയുടെ ആകെ മൂല്യം 91 കോടി രൂപയാണ്. 2024 മാർച്ച് മാസം വരെയുള്ള കണക്കാണിത്. ക്രിക്കറ്റ്, ബ്രാൻഡ് പ്രൊമോഷനുകൾ എന്നിവയിലൂടെയുള്ള വരുമാനമാണിത്. മാസവരുമാനം 1.2 കോടി രൂപയെന്നാണ് റിപ്പോർട്ട്. വർഷാവർഷം അഞ്ചു കോടിയുടെ കരാർ BCCIയുമായി ഉണ്ട്

ഐ.പി.എൽ. വഴിയും ചില സാമ്പത്തിക നേട്ടങ്ങൾ ഹർദിക്കിനുണ്ട്. ഗുജറാത്ത് ടൈറ്റൻസുമായി 15 കോടിയുടെ കരാറുണ്ട്, മുംബൈ ഇന്ത്യൻസുമായും കോടികളുടെ മറ്റൊരു കരാറിൽ ഹർദിക് ഏർപ്പെട്ടിരിക്കുന്നു

സെർബിയയിൽ നിന്നുള്ള മോഡലായ നടാഷ, 2012 മുതൽ എന്റർടൈൻമെന്റ് മേഖലയിൽ സാന്നിധ്യം അറിയിച്ചു കഴിഞ്ഞു. 2013ലെ 'സത്യാഗ്രഹ' എന്ന ചിത്രത്തിലൂടെ ബോളിവുഡിൽ ഇടം നേടി. പ്രകാശ് ഝായാണ് ഈ സിനിമ സംവിധാനം ചെയ്തത്. 2014ൽ 'ബിഗ് ബോസ് 8ൽ' നടാഷ സാന്നിധ്യം അറിയിച്ചിരുന്നു

ബാദ്ഷയുടെ 'ഡി.ജെ. വാലെ ബാബു' എന്ന മ്യൂസിക് വീഡിയോയിലും നടാഷ സാന്നിധ്യം തെളിയിച്ചു. നടാഷയുടെ ആകെ മൂല്യം 20 കോടി രൂപയാണ്. സോഷ്യൽ മീഡിയയിലും നടാഷ സ്ഥിരസാന്നിധ്യമാണ്. 110 കോടിക്ക് മുകളിൽ നിൽക്കുന്ന ഇവരുടെ മൊത്തം മൂല്യം എങ്ങനെ വിഭജിക്കപ്പെടും എന്ന് കണ്ടറിയേണ്ടിയിരിക്കുന്നു