അഞ്ച് വർഷം മുൻപ് പഠിച്ചിറങ്ങിയ സ്കൂൾ സ്റ്റേജിൽ വീണ്ടും നൃത്തം ചെയ്ത് ഇഷാനി കൃഷ്ണയും കൂട്ടുകാരും

വിദ്യാലയത്തിൽ നിന്നും പഠിച്ചിറങ്ങി വർഷങ്ങൾക്ക് ശേഷമുള്ള മടങ്ങിവരവിൽ ഒരു മനോഹാരിത അനുഭവിച്ചറിഞ്ഞ പലരുമുണ്ടാകും. ആ അവസരത്തിലൂടെ കടന്നുപോയ നിമിഷങ്ങളുമായി വരികയാണ് നടിയും മോഡലുമായ ഇഷാനി കൃഷ്ണ (Ishaani Krishna). അഹാനയുടെ രണ്ടാമത്തെ അനുജത്തിയായ ഇഷാനിയും കൂട്ടുകാരും സ്കൂളിൽ തിരികെ പോവുക മാത്രമല്ല, അവിടെ നൃത്തം ചെയ്യുകയും ചെയ്‌തു

'കൃഷ്ണ സഹോദരിമാർ' എന്നറിയപ്പെടുന്ന അഹാദിഷികമാർ നാലുപേരും ഒരേ സ്കൂളിൽ പഠിച്ചവരാണ്. തിരുവനന്തപുരം ഹോളി ഏഞ്ചൽസ് സ്കൂളിലെ വിദ്യാർത്ഥികളായിരുന്നു അവർ. ഏറ്റവും ഒടുവിൽ അവിടെ നിന്നും പഠനം പൂർത്തിയാക്കിയത് ഇളയ അനുജത്തി ഹൻസികയും (തുടർന്ന് വായിക്കുക)

സ്റ്റേജിൽ പ്രാക്ടിസ് നടത്തുന്ന ഈ ചിത്രം ഇൻസ്റ്റഗ്രാം സ്റ്റോറി ആക്കിക്കൊണ്ട്, സ്കൂളിലെ സ്റ്റേജിൽ അഞ്ച് വർഷങ്ങൾക്ക് ശേഷം നൃത്തം ചെയ്യുന്നു എന്ന് ഇഷാനി ക്യാപ്‌ഷനും നൽകി

സ്കൂൾ റീയൂണിയൻ വേളയിലാണ് പൂർവവിദ്യാർഥികൾ മടങ്ങിയെത്തിയത്. നൃത്തം ചെയ്യുന്ന വേഷത്തിലാണ് കൂട്ടുകാരികൾ ഇവിടെ

സഹോദരിമാരിൽ ഏറ്റവും ഒടുവിലായി സിനിമയിലെത്തിയത് ഇഷാനിയാണ്. അതിനു മുൻപ് മൂത്ത മകളായ അഹാനയും ഏറ്റവും ഇളയ കുട്ടിയായ ഹൻസികയും അഭിനയിച്ച ചിത്രങ്ങൾ പുറത്തിറങ്ങി. 'ലൂക്ക' എന്ന ചിത്രത്തിൽ അഹാനയുടെ കുട്ടിക്കാലം അവതരിപ്പിച്ചത് ഹൻസികയാണ്

മമ്മൂട്ടി നായകനായ 'വൺ' എന്ന സിനിമയിലൂടെയാണ് ഇഷാനിയുടെ സിനിമാ പ്രവേശം. ഈ ചിത്രത്തിൽ മാത്യു തോമസിന്റെ സുഹൃത്തിന്റെ റോളാണ് ഇഷാനി കൈകാര്യം ചെയ്ത് അവതരിപ്പിച്ചത്

സിനിമ കൂടാതെ ഇഷാനി മോഡലിംഗ് രംഗത്തും സജീവമാണ്. കൂടാതെ സോഷ്യൽ മീഡിയ ഇൻഫ്ലുവെൻസർ എന്ന നിലയിലും പ്രവർത്തിക്കുന്നു. വിവിധ ബ്രാൻഡുകളുടെ പ്രൊമോട്ടർ എന്ന നിലയിൽ ഇഷാനിയെ കാണാം