'രൺബീർ കപൂർ ഒരു സ്ത്രീലമ്പടൻ' :താരത്തിനെതിരെയുള്ള പ്രസ്താവനയിൽ ഉറച്ച് കങ്കണ റണൗത്

നടൻ രൺബീർ കപൂറിനെ ( Ranbir Kapoor) സ്ത്രീലമ്പടൻ എന്ന് വിളിച്ചതില്‍ ഒരു ഖേദവും ഇല്ലെന്ന് നടിയും ബിജെപി എംപിയുമാ കങ്കണ റണൗട്ട് ( kangana ranaut).ഇന്ത്യ ടിവി ഷോ ആയ 'ആപ് കി അദാലത്തിന്‍റെ' ഒരു എപ്പിസോഡ് പ്രൊമോയിലാണ് രൺബീർ അടക്കം ബോളിവുഡ് താരങ്ങളെ പരിഹസിച്ചെന്ന ആരോപണത്തിന് കങ്കണ പ്രതികരിച്ചത്.

2020ൽ, കങ്കണ ഒരു ട്വീറ്റിലൂടെ രൺബീറിനെയും നടി ദീപിക പദുക്കോണിനെയും കടന്നാക്രമിച്ചിരുന്നു. കങ്കണ രണ്‍ബീറിനെ 'സ്കേര്‍ട്ട് ചെയ്സര്‍' എന്ന് വിളിക്കുകയും ദീപികയെ (Deepika Padukone)'സ്വയം പ്രഖ്യാപിത മാനസികരോഗി' എന്ന് മുദ്രകുത്തുകയും ചെയ്തിരുന്നു.

ഈ ട്വീറ്റില്‍ ഖേദമുണ്ടോ എന്നാണ് ആപ് കി അദാലത്തില്‍ കങ്കണയോട് ചോദ്യം വന്നത്. എന്നാല്‍ ആ ചോദ്യത്തെ അവന്‍ സ്വാമി വിവേകാനന്ദന്‍ ഒന്നും അല്ലല്ലോ എന്ന് പറഞ്ഞ് ചിരിച്ച് തള്ളുകയാണ് കങ്കണ

"രൺബീർ കപൂർ ഒരു സീരിയൽ സ്ത്രീലമ്പടനാണ് ( skirt  chaser ), പക്ഷേ അവനെ ബലാത്സംഗം ചെയ്യുന്നവന്‍ എന്ന് വിളിക്കാൻ ആരും ധൈര്യപ്പെടുന്നില്ല. ദീപിക സ്വയം പ്രഖ്യാപിത മാനസിക  രോഗിയാണ്, പക്ഷേ ആരും അവളെ സൈക്കോ എന്നോ മന്ത്രവാദിനിയെന്നോ വിളിക്കുന്നില്ല... ഈ പേര് ചിലരെ ചെറിയ പട്ടണത്തില്‍ നിന്നും സ്വന്തം നിലയ്ക്ക് രക്ഷപ്പെട്ട് വന്നവരെ മാത്രമാണ് വിളിക്കുന്നത്" എന്നായിരുന്നു കങ്കണയുടെ ട്വീറ്റ്.

2020 ജൂണിൽ സുശാന്ത് സിംഗ് രാജ്പുതിന്‍റെ മരണത്തിന് പിന്നാലെ ആലിയ ഭട്ട്, സോനം കപൂർ, അനന്യ പാണ്ഡേ തുടങ്ങിയ താര കുടുംബത്തില്‍ നിന്നുള്ളവര്‍ക്കെതിരെ കങ്കണ വിമർശനം ഉയര്‍ത്തിയിരുന്നു.

എമര്‍ജന്‍സി ആണ് കങ്കണയുടെ ഇനി റിലീസ് ചെയ്യാനുള്ള ചിത്രം. ചിത്രത്തിന്റെ റിലീസുമായി ബന്ധപ്പെട്ടുള്ള വിവാദങ്ങൾ മുറുകുകയാണ് നിലവിൽ