Mammootty | 'എന്നോട് കളി വേണ്ട നിഴലേ' മാരക ലുക്കില്‍ മമ്മൂക്കയുടെ മാസ് ചിത്രം; വൈറല്‍ ഫോട്ടോ

'ചന്തുവിനെ തോല്‍പ്പിക്കാന്‍ ആവില്ല മക്കളെ' വടക്കന്‍ വീരഗാഥയിലെ ഈ പ്രശസ്തമായ ഡയലോഗ് ഒന്ന് മാറ്റിപിടിക്കാം. 'ലുക്കിലും സ്റ്റൈലിലും മമ്മൂട്ടിയെ തോല്‍പ്പിക്കാന്‍ ആവില്ല മക്കളെ. സോഷ്യല്‍ മീഡിയയില്‍ തരംഗമായി മമ്മൂക്കയുടെ പുതിയ സ്റ്റൈലിഷ് ലുക്ക്.

മമ്മൂക്കയുടെ സ്റ്റൈലിസ്റ്റും ഫാഷന്‍ ഫോട്ടോഗ്രാഫറുമായ ഷാനി ഷാക്കിയാണ് മമ്മൂട്ടിയുടെ ഈ കിടിലന്‍ ചിത്രം പകര്‍ത്തിയിരിക്കുന്നത്. ഷര്‍ട്ടും പാന്‍റും ധരിച്ച് കൂളിംഗ് ഗ്ലാസും വെച്ചുള്ള മാസ് ലുക്കിന് ആരാധകര്‍ നിറഞ്ഞ കൈയ്യടി നല്‍കി.

'മിതമായ നിരക്കിൽ പ്രായം കുറച്ചു കൊടുക്കുന്നു','ശബ്ദം ഉണ്ടാക്കാതെ സോഷ്യല്‍ മീഡിയ കത്തിച്ചു നൽകപ്പെടുന്നു', ദൈവമേ... Ai effect ആവണേ' എന്നിങ്ങനെ കമന്‍റുകളുടെ പൂരമാണ് മമ്മൂട്ടിയുടെ ഇന്‍സ്റ്റഗ്രാം പേജില്‍.

ജയറാം ചിത്രം എബ്രഹാം ഓസ്ലറിലെ അലക്സാണ്ടര്‍ എന്ന അതിഥി വേഷത്തിലൂടെ 2024ല്‍ മമ്മൂക്ക വരവ് അറിയിച്ച് കഴിഞ്ഞു. ഭൂതകാലം ഫെയിം രാഹുല്‍ സദാശിവന്‍ സംവിധാനം ചെയ്യുന്ന ഭ്രമയുഗമാണ് നടന്‍റെ ഈ വര്‍ഷത്തെ ആദ്യ റിലീസ്. ചിത്രം ഫെബ്രുവരി 15ന് തിയേറ്ററുകളിലെത്തും.

എന്നാല്‍ തെലുങ്കില്‍ ഫെബ്രുവരി എട്ടിന് മമ്മൂട്ടിയും ജീവയും പ്രധാന വേഷത്തിലെത്തുന്ന യാത്ര 2 റിലീസ് ചെയ്യും. മുന്‍ ആന്ധ്രാ മുഖ്യമന്ത്രി വൈഎസ്ആര്‍ റെഡ്ഡിയുടെ വേഷത്തിലാണ് മമ്മൂട്ടി എത്തുക. വൈഎസ്ആറിന്‍റെ മകനും ആന്ധ്രാ മുഖ്യമന്ത്രിയുമായ ജഗന്‍മോഹന്‍ റെഡ്ഡിയുടെ റോളിലാണ് ജീവ എത്തുക

ഡിനോ ഡെന്നീസിന്‍റെ ബസൂക്ക, വൈശാഖിന്‍റെ ടര്‍ബോ എന്നിവയാണ് മമ്മൂട്ടിയുടേതായി അണിയറയില്‍ ഒരുങ്ങുന്ന മറ്റ് പ്രധാന സിനിമകള്‍.