ആ ഒരെണ്ണം ബാക്കി വച്ചതെന്തിന്? സമാന്തയുമൊത്തുള്ള ചിത്രങ്ങളിൽ നാഗചൈതന്യ ഡിലീറ്റ് ചെയ്യാൻ മറന്ന ഫോട്ടോയ്ക്ക് ട്രോൾ

ഒരുകാലത്ത് തെന്നിന്ത്യൻ സിനിമയിൽ ഏറെ പ്രിയപ്പെട്ട താര ജോഡികളായിരുന്ന സമാന്ത റൂത്ത് പ്രഭുവും (Samantha Ruth Prabhu) നാഗ ചൈതന്യയും (Naga Chaitanya) വേർപിരിഞ്ഞ് രണ്ടര വർഷം പിന്നിടുമ്പോൾ നടി ശോഭിത ധുലിപാലയുമായി പുതു ജീവിതം തുടങ്ങാൻ തീരുമാനിച്ചിരിക്കുകയാണ് ചൈതന്യ. നടൻ നാഗാർജുനയുടെ പുത്രനാണ് നാഗ ചൈതന്യ. സമാന്ത ഇന്നും പുനർവിവാഹം ചെയ്യാതെ തുടരുകയാണ്

കഴിഞ്ഞ ദിവസം ഹൈദരാബാദിൽ വച്ചായിരുന്നു നാഗ ചൈതന്യയും ശോഭിതയും തമ്മിലെ വിവാഹ നിശ്ചയം നടന്നത്. നാഗാർജുനയുടെ എക്സ് പോസ്റ്റിലൂടെയാണ് വിവാഹനിശ്ചയ വാർത്ത പുറത്തുവന്നത്. വിവാഹ നിശ്ചയം നടക്കുന്നതിനും മുൻപായി നാഗ ചൈതന്യ സമാന്തക്കൊപ്പമുള്ള ചിത്രങ്ങൾ ഡിലീറ്റ് ചെയ്യാൻ ശ്രദ്ധിച്ചിരുന്നു (തുടർന്ന് വായിക്കുക)

എന്നാൽ, നാഗ ചൈതന്യ മുൻഭാര്യക്കൊപ്പമുള്ള എല്ലാ ചിത്രങ്ങളും ഒഴിവാക്കി എന്ന് പൂർണമായും പറയാൻ സാധിക്കില്ല. ഒരു ഫോട്ടോയിൽ ഇപ്പോൾ സാം എന്ന് വിളിക്കുന്ന സമാന്ത, മുൻ ഭർത്താവിന്റെ ഒപ്പമുണ്ട്. ഇക്കാര്യം കണ്ടെത്താൻ നെറ്റിസൺസിന് അധികം സമയം വേണ്ടിവന്നില്ല

ഈ ചിത്രം സമാന്തയും നാഗ ചൈതന്യയും ഒന്നിച്ചഭിനയിച്ച 'മജിലി' എന്ന സിനിമയുടെ പ്രൊമോഷന്റെ ഭാഗമായുള്ളതാണ്. ഒരു റേസ് കാറിന്റെ പിന്നിൽ ഇരുവരും പോസ് ചെയ്യുന്ന രംഗമാണ് ഈ ചിത്രത്തിൽ. സമാന്തയുടെ ആരാധകരാണ് ഈ ചിത്രം കണ്ടെത്തിയത്

എല്ലാ ചിത്രങ്ങളും ഡിലീറ്റ് ചെയ്യുകയും, സമാന്തയെ അൺഫോളോ ചെയ്യുകയും ചെയ്തിട്ട് എന്തുകൊണ്ട് ഈ ഒരു ചിത്രം മാത്രം ബാക്കിയാക്കി എന്നാണ് ഒരാളുടെ ചോദ്യം. സാം ഇതിലും മികച്ചത് അർഹിക്കുന്നു എന്ന് വേറൊരാൾ

എന്നാൽ ചിലർ അത്രകണ്ട് വിമർശനം ഉന്നയിക്കാൻ ആഗ്രഹിക്കുന്നില്ല. രണ്ടുപേരും അവരുടെ ജീവിതവുമായി മുന്നോട്ടാണ്. എന്തിനാണ് അനാവശ്യമായി അവിടെ തലയിടുന്നത് എന്നാണ് അവരുടെ ചോദ്യം

നാഗ ചൈതന്യയും ശോഭിത ധൂലിപാലയും 2022 മുതൽ ഡേറ്റിംഗിലാണ്. എന്നിരുന്നാലും 2023 ൽ അവധിക്കാലങ്ങളിൽ ഒരുമിച്ച് കണ്ടപ്പോൾ മാത്രമാണ് അവരുടെ ബന്ധത്തെക്കുറിച്ചുള്ള കിംവദന്തികൾ ഉയർന്നത്