Amala Paul | പച്ചമാങ്ങയും വാങ്ങി പോകേണ്ട; ഗർഭിണിയായ അമലയ്ക്ക് കഴിക്കാൻ ഇഷ്‌ടം അതല്ല

ഗർഭകാലം എന്നാൽ അമ്മയാവാൻ പോകുന്ന ആൾക്ക് ഇഷ്‌ടഭക്ഷണങ്ങളോടുള്ള സ്നേഹം കൂടുന്ന കാലഘട്ടം കൂടിയാണ്. ആദ്യത്തെ കണ്മണിക്കായുള്ള കാത്തിരിപ്പിലാണ് നടി അമല പോളും (Amala Paul) ഭർത്താവ് ജഗത് ദേശായിയും. പണ്ടുകാലങ്ങൾ മുതലേ ചില ക്ളീഷേ ഭക്ഷണങ്ങൾ ഗർഭിണികളുടെ മേൽ ചാരാറുണ്ട്. പച്ചമാങ്ങയും പുളിയുമാണ് അതിൽ പ്രധാനം. എന്നാൽ കാലം മാറി

അമല ഗർഭിണിയായത് മുതൽ ജഗത് ദേശായി അക്ഷരാർത്ഥത്തിൽ ഭാര്യയെ നിലത്തുവെക്കാതെ നോക്കുകയാണ്. അതിന്റെ പോസ്റ്റുകൾ അമലയുടെയും ജഗത് ദേശായിയുടെയും പ്രൊഫൈലുകളിൽ കുമിഞ്ഞു കൂടുകയാണ് ദിനംപ്രതി. ചില ദിവസങ്ങളിൽ പോസ്റ്റ് ആയി കണ്ടില്ലെങ്കിൽ, അത് ഇൻസ്റ്റഗ്രാം സ്റ്റോറി രൂപത്തിലെങ്കിലും പ്രത്യക്ഷപ്പെടും (തുടർന്ന് വായിക്കുക)

അമല ഗർഭിണിയാണ് എന്നറിഞ്ഞത് മുതൽ അമ്മ ആനിസ് മികച്ച തയാറെടുപ്പിലാണ്. യൂട്യൂബ് മുഴുവൻ അരിച്ചുപെറുക്കി ഗർഭിണിയെ എങ്ങനെ പരിചരിക്കാം, എന്തെല്ലാം നൽകാം എന്നൊക്കെ അവർ സജീവമായി അന്വേഷിക്കുകയാണ് എന്ന് അമല തന്നെ ഒരു പോസ്റ്റിലൂടെ അറിയിച്ചു

പക്ഷെ മറ്റാരേക്കാളും, തന്റെ കുഞ്ഞിനെ ഉള്ളിൽ പേറുന്ന അമല ഇഷ്‌ടമുള്ളതെല്ലാം കഴിക്കുന്നു എന്നുറപ്പാക്കുകയാണ് ഭർത്താവ് ജഗത് ദേശായി. അതിന് പഴയകാല ചാർത്തുംപടിയുള്ള ഭക്ഷണമൊന്നുമല്ല ജഗത് അമലയ്ക്കായി ഒരുക്കുന്നത്

ഏറ്റവും പുതിയ ഇൻസ്റ്റഗ്രാം സ്റ്റോറിയിൽ അമലയെ ടാഗ് ചെയ്ത് നല്ല രുചികരമായ ഭക്ഷണത്തിന്റെ ചിത്രം ജഗത് പങ്കിട്ടു. അതിൽ ഈ പറയുന്ന പച്ചമാങ്ങയും പുളിയും ഒന്നും ഇല്ല കേട്ടോ

ഇതാ ജഗത് ദേശായി അമലയ്ക്കായി ഒരുക്കിയ വിഭവം. മുന്നിൽ ഒരു കുപ്പി ന്യൂട്ടല കാണാം. അതിന് മുകളിൽ മധുരമാണോ, പഴവർഗമാണോ എന്ന് അറിയാൻ കഴിയാത്ത വിധമുള്ള രസമുള്ള ഒരു ഐറ്റം കാണാം. അടിയിൽ പാൻകേക്ക് എന്ന് ഒറ്റനോട്ടത്തിൽ തോന്നും

വിവാഹം കഴിഞ്ഞ് രണ്ട് മാസത്തിനുള്ളിൽ താൻ ഗർഭിണിയാണ് എന്ന് നിറവയറുമായി പ്രഖ്യാപിച്ച അമല പോൾ ഒട്ടേറെ വിമർശനം ഏറ്റുവാങ്ങിയിരുന്നു. അതവരുടെ ഇഷ്‌ടമാണ്‌ എന്ന് പറഞ്ഞ് അമലക്ക് പിന്തുണ നൽകിയവരുമുണ്ട്