Robin Radhakrishnan | ശരീരഭാരം 100 കടന്നതിന് പിന്നിലെ കാരണമെന്തെന്ന് ഡോ: റോബിൻ രാധാകൃഷ്ണൻ; നിശ്ചയത്തിന് മുൻപ് കുറയ്ക്കുക ലക്ഷ്യം

മലയാളികളുടെ പ്രിയപ്പെട്ട ഡോക്ടർ ആണ് റോബിൻ രാധാകൃഷ്ണൻ (Robin Radhakrishnan). ബിഗ് ബോസ് റിയാലിറ്റി ഷോ നൽകിയ പ്രശസ്തി മാത്രമല്ല, അതിനു മുൻപും അദ്ദേഹം നടത്തിയ നിരവധി കാരുണ്യ പ്രവർത്തനങ്ങൾ അദ്ദേഹത്തെ ജനങ്ങൾ ഇരുകയ്യും നീട്ടി സ്വീകരിക്കാൻ കാരണമായി. ബിഗ് ബോസ് വീട്ടിലെ അദ്ദേഹത്തിന്റെ കയ്യടക്കമുള്ള പങ്കാളിത്തം ആ ഇഷ്‌ടം പതിന്മടങ്ങ്‌ വർധിപ്പിച്ചു

സോഷ്യൽ മീഡിയ പോസ്റ്റിലൂടെ റോബിൻ തന്റെ ഭാവി ജീവിതപങ്കാളി ആരതിയെയും പരിചയപ്പെടുത്തിയിരുന്നു. റോബിൻ- ആരതിമാരുടെ വിവാഹനിശ്ചയമാണ്. വിവാഹനിശ്‌ചയ വാർത്ത പറഞ്ഞത് ഒരു വീഡിയോ പോസ്റ്റിലൂടെയാണ്. എന്നാൽ അതിൽ തന്റെ ശരീരഭാരം 100 കിലോ പിന്നിട്ട വാർത്ത കൂടി റോബിന് പറയാനുണ്ടായിരുന്നു (തുടർന്ന് വായിക്കുക)

വീഡിയോയുടെ അവസാനം ഒരു വശം ചരിഞ്ഞു നിന്ന് തന്റെ കുടവയർ മറച്ചുപിടിക്കാതെ റോബിൻ സ്ക്രീനിനു മുന്നിലെത്തി. ഇത് തലയണ അല്ലെന്നും തന്റെ വയറാണെന്നും റോബിൻ. ഇപ്പോൾ ശരീരഭാരം 102.4 കിലോയുണ്ടെന്ന് റോബിൻ സങ്കോചമേതുമില്ലാതെ പറഞ്ഞു. ശരീരഭാരം കൂടാൻ ഒരു കാരണവുമുണ്ട്

വെറുതെ ഇരുന്ന് മടിപിടിച്ചു കൂടിയതാണ് ഇത് എന്ന് കരുതേണ്ട. ഒരു സിനിമയിലെ കഥാപാത്രത്തിനായി റോബിന്റെ ലക്ഷ്യം 110 കിലോയാണ്. മിനി സ്‌ക്രീനിൽ ചുള്ളൻ ലുക്കിൽ കണ്ട റോബിൻ രാധാകൃഷ്ണൻ ഇനി ബിഗ് സ്‌ക്രീനിൽ എന്ത് കഥാപാത്രമാവും എന്ന് കാത്തിരുന്നു കാണാം. പക്ഷെ അപ്പോഴാണ് കാര്യങ്ങളിൽ ചില മാറ്റങ്ങളുണ്ടായത്

ആരതിയുമായുള്ള വിവാഹ നിശ്ചയം 2023 ജനുവരി മാസത്തിൽ നടക്കും. 2022 നവംബർ 28ന് റെക്കോർഡ് ചെയ്ത ശരീരഭാരത്തിന്റെ വീഡിയോ ആണ് റോബിൻ പോസ്റ്റ് ചെയ്തത്. ഇനി ചുരുങ്ങിയ നാളുകൾ കൊണ്ട് 110 കിലോ എന്ന ലക്ഷ്യത്തിൽ നിന്നും അൽപ്പം പിന്നോട്ടുമാറി ഭാരം കുറയ്ക്കാനുള്ള തയാറെടുപ്പിലാണ് റോബിൻ

റോബിൻ രാധാകൃഷ്ണനും ആരതിയും മോഹൻലാലിനെ സന്ദർശിച്ചപ്പോൾ