Supriya Menon | പുഞ്ചിരിക്കുന്ന ചിത്രത്തിന് പിന്നിലും വേദന; സന്തോഷത്തിലും ദുഃഖത്തിലും ആദ്യം ഓർക്കുന്നത് അച്ഛനെയെന്ന് സുപ്രിയ മേനോൻ

ഇന്ന് മലയാളത്തിൽ ആർക്കും ആവേശം നൽകുന്ന ജീവിത കഥയാണ് മാധ്യമപ്രവർത്തകയിൽ നിന്നും ചലച്ചിത്ര നിർമാതാവായി മാറിയ സുപ്രിയ മേനോന്റേത് (Supriya Menon). വിജയ ചിത്രങ്ങളുടെ സാരഥി എന്ന നിലയിൽ സ്ത്രീകൾക്ക് പ്രചോദനം നൽകുന്ന വളർച്ചയാണ് ചുരുങ്ങിയ കാലത്തിനുള്ളിൽ സുപ്രിയ കൈവരിച്ചത്. ഈ ക്രിസ്മസിന് ഭർത്താവ് പൃഥ്വിരാജുമൊത്ത്, വിദേശത്തു നിന്നും പകർത്തിയ ചിത്രമാണ് സുപ്രിയയുടെ പോസ്റ്റ്

'എല്ലാവർക്കും ക്രിസ്തുമസ് ആശംസകൾ! ഈ ആഘോഷവേള നിങ്ങൾക്ക് സന്തോഷവും സ്നേഹവും ഭാഗ്യവും സന്തോഷവും നൽകുമെന്ന് പ്രതീക്ഷിക്കുന്നു! ഈ വേളയിലും ദുഃഖം അനുഭവിക്കുന്നവരെ ഞാൻ കാണുന്നു. നിങ്ങളുടെ വേദനയും നഷ്ടവും ഞാൻ അനുഭവിക്കുന്നു. നമ്മുടെ പ്രിയപ്പെട്ടവരില്ലാതെ മറ്റൊരു വർഷത്തേക്ക്. പ്രാർത്ഥനകളും സ്നേഹവും' എന്നാണ് സുപ്രിയ നൽകിയ കമന്റ്. ഈ വാക്കുകളിൽ തളംകെട്ടി നിൽക്കുന്ന ഒരു വലിയ വേദനയുണ്ട് (തുടർന്ന് വായിക്കുക)

ക്യാപ്‌ഷനു പുറമേ സുപ്രിയ നൽകിയ ഹാഷ്ടാഗുകളിൽ അത് പ്രകടം. ക്രിസ്തുമസ് ആശംസയ്‌ക്കൊപ്പം അച്ഛൻ ഒപ്പമില്ലാത്ത രണ്ടാമത്തെ ക്രിസ്മസ് ആണിത് എന്ന് സുപ്രിയ കുറിച്ചിട്ടുണ്ട്

വലിയ വിജയങ്ങളുടെ മദ്ധ്യേ നിൽക്കുമ്പോഴും, സുപ്രിയയുടെ മനസിനുള്ളിൽ വിജയത്തിളക്കം മാത്രമല്ല പലപ്പോഴും. അച്ഛൻ കൂടെ ഉണ്ടായിരുന്നെങ്കിൽ, ഈ വിജയങ്ങളെല്ലാം മറ്റൊരു തലത്തിൽ ആനന്ദകരമായേനെ എന്ന് സുപ്രിയ പറഞ്ഞും പറയാതെയും പല പോസ്റ്റുകൾ ചെയ്തിട്ടുണ്ട്

ക്രിസ്മസ് ആശംസിച്ചുകൊണ്ടുള്ള സുപ്രിയയുടെ പോസ്റ്റിനു താഴെ അവരുടെ ആരാധകരും അഭ്യുദയകാംക്ഷികളും ഉൾപ്പെടെ പലരും കമന്റ് ചെയ്തിട്ടുണ്ട്. അതിലൊരാൾ ആ ദുഃഖത്തിലും പങ്കുചേർന്നുള്ള ഒരു കമന്റ് ഇട്ടതും സുപ്രിയ മനസ് തുറന്നു. സ്വന്തം അമ്മയെ നഷ്‌ടമായ ശേഷമുള്ള ആദ്യ ക്രിസ്മസിനെ ഒരു നെടുവീർപ്പോടെയാണ് ആ അക്കൗണ്ട് ഉടമ നോക്കിക്കണ്ടത്

അമ്മയില്ലാതെ ആദ്യ ക്രിസ്മസ് എന്ന് പറഞ്ഞതും, സുപ്രിയ ആശ്വാസവാക്കുകൾ കൊണ്ട് മറുപടിയുമായെത്തി. തന്റെ സന്തോഷത്തിലും ദുഃഖത്തിലും ആദ്യം ഓർക്കുന്നത് അച്ഛനെ ആണെന്ന് സുപ്രിയ പറഞ്ഞു

2021 നവംബർ മാസത്തിലാണ് സുപ്രിയയുടെ പിതാവ് വിജയകുമാർ മേനോൻ വിടചൊല്ലിയത്‌. പാലക്കാട് സ്വദേശികളായ വിജയകുമാർ- പത്മിനി വിജയകുമാർ ദമ്പതികളുടെ ഏക മകളാണ് സുപ്രിയ