Vijayadashami| വിജയദശമി ദിനത്തിൽ ആദ്യാക്ഷരം കുറിച്ച് ഉപ്പും മുളകിലെ പാറുക്കുട്ടിയും

ഉപ്പും മുളക് എന്ന സീരിയലിലൂടെ മലയാളി പ്രേക്ഷകരുടെ പ്രിയപ്പെട്ട കുട്ടിതാരമാണ് പാറുക്കുട്ടി എന്ന ബേബി അമേയ. പാറുക്കുട്ടിയെന്ന പേരിലാണ് താരം അറിയപ്പെടുന്നത്. ജനിച്ച് മാസങ്ങള്‍ക്കുളളില്‍ തന്നെ സീരിയൽ താരമായ അമേയക്ക് നിരവധി ആരാധകരാണ് ഉള്ളത്.

ഡയലോഗുകളൊന്നും ഇല്ലെങ്കിലും പ്രേക്ഷകരെ കൈയ്യിലെടുത്തതാണ് പാറുക്കുട്ടി. ഈ സീരിയലിൽ അഭിനയിച്ചതിന് പിന്നാലെ നിരവധി ഫാന്‍സ് ഗ്രൂപ്പുകളും പാറുക്കുട്ടിയുടെതായി സോഷ്യല്‍ മീഡിയയില്‍ ഉണ്ട്. പാറുക്കുട്ടിയുടെ ചിരിയും കുസൃതികളുമെല്ലാം തന്നെ പ്രേക്ഷകര്‍ ഏറെ ഇഷ്ടപ്പെടുന്ന കാര്യമാണ്.

പാറുക്കുട്ടിയുടെ പുതിയ വിശേഷമാണ് ആരാധകര്‍ ഇന്ന് ഏറ്റെടുത്തിരിക്കുന്നത്. വിജയദശമി ദിനമായ ഇന്ന് ആദ്യാക്ഷരങ്ങള്‍ കുറിച്ചിരിക്കുകയാണ് പ്രേക്ഷകരുടെ പ്രിയപ്പെട്ട കുട്ടിതാരം.

ലോക്ഡൗണ്‍ കഴിഞ്ഞ് ഒരിടവേളയ്ക്ക് ശേഷമാണ് ഉപ്പും മുളകും അടുത്തിടെ സംപ്രേക്ഷണം ആരംഭിച്ചത്. ആദ്യത്തെ കുറച്ച് എപ്പിസോഡുകളില്‍ പാറുക്കുട്ടി ഉണ്ടായിരുന്നില്ല. പിന്നീടാണ് കുട്ടിത്താരം വീണ്ടും പരമ്പരയിലേക്ക് എത്തിയത്. പാറുക്കുട്ടി ഇല്ലാത്ത എപ്പിസോഡുകളിലെല്ലാം കുട്ടിതാരത്തെ തിരക്കി ആരാധകര്‍ എത്താറുണ്ട്.