Vijayaraghavan| മമ്മൂട്ടിയോട് മത്സരിക്കുകയാണോ? ഈ ലുക്കിന് മുന്നിൽ സൂപ്പര്‍ സ്റ്റാറുകള്‍ തോറ്റ് പോകും

പ്രായം മറന്ന് സൗന്ദര്യം കൂടുന്നുവെന്ന ഖ്യാദി നിലവിൽ മലയാള സിനിമയിൽ ആരാധകർ പൂർണ്ണമായും നൽകിയിരിക്കുന്നത് മമ്മൂട്ടിക്കാണ്. എന്നാൽ ഇനി ആ കാര്യത്തിൽ ഒരൽപ്പം ചിന്തിക്കേണ്ടിയിരിക്കുന്നു. നടൻ വിജരാഘവൻ അടുത്തിടെ പങ്കുവെച്ച ചിത്രങ്ങളാണ് അതിനു കാരണം. ബ്ലാക്ക് ഷര്‍ട്ടും കൂളിംഗ് ഗ്ലാസ്സും അണിഞ്ഞ് നിൽക്കുന്ന താരത്തിന്റെ ചിത്രങ്ങള്‍ ആരാധകർ വൈറലാക്കിയിരിക്കുകയാണ്.

മലയാള സിനിമയുടെ കുട്ടേട്ടൻ എന്നാണ് ഒരു ആരാധകന്റെ കമന്റ്. ഒരു കാലത്ത് സൂപ്പർസ്റ്റാർസ് മാറി നിൽക്കും ഇങ്ങേർടെ ലുക്കിന് മുന്നിൽ, 72വയസു ചുള്ളൻ എന്നിങ്ങനെ നടന്റെ ലുക്കിനെ പ്രശംസിച്ച് കമ്മന്റുകളെത്തുന്നു. അതേസമയം മലയാള സിനിമയില്‍ അർഹിക്കുന്ന അംഗീകാരം ഇതുവരെ കിട്ടാത്ത മഹാനടൻ എന്നും ആരാധകർ പറഞ്ഞു.

90 കളിലെ മനോഹരമായ എല്ലാ സിനിമകളിലും ഒഴിച്ചുകൂടാൻ പറ്റാത്ത ഒരു കഥാപാത്രമായിരുന്നു വിജയരാഘവനെന്നും ചിലർ അഭിപ്രായപ്പെട്ടു. നാടകരംഗത്തു നിന്നാണ് വിജരാഘവൻ സിനിമയിലെത്തുന്നത്. ക്രോസ്ബെൽറ്റ് മണി കപലിക സിനിമയാക്കിയപ്പോൾ അതിൽ പോർട്ടർ കുഞ്ഞാലി എന്ന കഥാപാത്രത്തെ അവതരിപ്പിച്ചുകൊണ്ട് 22-വയസിൽ സിനിമയിൽ അരങ്ങേറ്റം കുറിച്ചു.

1982-ൽ എസ്. കൊന്നനാട്ട് സംവിധാനം ചെയ്ത സുറുമയിട്ട കണ്ണുകൾ എന്ന ചിത്രത്തിലൂടെ 31-ആം വയസിൽ നായകനായി. തുടർന്ന് പി. ചന്ദ്രകുമാർ, വിശ്വംഭരൻ തുടങ്ങിയവരുടെ ചിത്രങ്ങളിൽ അഭിനയിച്ചു. 1993-ൽ ഷാജി കൈലാസ് സംവിധാനം ചെയ്ത ഏകലവ്യൻ എന്ന ചിത്രത്തിലൂടെ വിജരാഘവൻ മലയാള സിനിമയിലെ തന്റെ നില ഉറപ്പിച്ചു. ‌‌‌

പിന്നീട് പുറത്തിറങ്ങിയ ദി കിങ് , ദി ക്രൈം ഫയൽ ശ്രദ്ധേയമായ ചിത്രങ്ങളായിരുന്നു. റാം ജി റാവു സ്പീക്കിങ്, ദേശാടനം, ഏകലവ്യൻ തുടങ്ങിയ സിനിമകളിൽ നിന്നും 2023ൽ ഇറങ്ങിയ പൂക്കാലത്തിലെ വിജരാഘവനിലേക്കെത്തുമ്പോഴേക്കും നടനെന്ന നിലയിൽ അഭിനയ മികവിനാൽ വിജരാഘവൻ ഒരു മഹാവിസ്മയം തന്നെ തീർത്തു.