സ്തനങ്ങളുടെ ഭാരം താങ്ങാനാവാതായി; യുവതിയുടെ ജീവിതം വീൽ ചെയറിലായി

മാറിടങ്ങളുടെ ഭാരം അനിയന്ത്രിതമായി വർധിക്കുന്നത് മൂലം ജീവിതം വീൽ ചെയറിലായി ഒരു യുവതി. 26 കാരിയായ ഡെബി ഹോർട്ടനാണ് ഈ ദുരവസ്ഥ. നാല് വർഷങ്ങളായി ഇവർ ഈ അവസ്ഥ  നേരിടാൻ തുടങ്ങിയിട്ട്

ഇതിനോടകം മൂന്ന് സർജറികൾ കഴിഞ്ഞിരിക്കുന്നു. നട്ടെല്ലിന് ഏൽക്കുന്ന ആഘാതമാണ്  26കാരിയായ തന്നെ വീൽ ചെയർ ജീവിതത്തിലേക്ക് മാറ്റിയതെന്ന് ഡെബി. മാറിടങ്ങളുടെ ഭാരം ദിനംപ്രതി താങ്ങാനാവാത്ത അവസ്ഥയിലേക്കാണ് ഡെബി പോയിക്കൊണ്ടിരിക്കുന്നത്

തനിക്കിനി ആവശ്യം ഒരു ബ്രെസ്റ്റ് റിഡക്ഷൻ ശസ്ത്രക്രിയ ആണെന്ന് ഇവർ പറയുന്നു. എങ്കിൽ മാത്രമേ പഴയ നിലയിലേക്ക് മടങ്ങാനാവൂ . ഒരിക്കൽ ഒരു സൂപ്പർ മാർക്കറ്റിൽ നിലത്തു വീണ വസ്തു എടുക്കാൻ കുനിഞ്ഞപ്പോഴാണ് ഡെബി തന്റെ അവസ്ഥയെപ്പറ്റി മനസ്സിലാക്കുന്നത്. നട്ടെല്ലിലെ ഒരു വളവാണ്‌ ഈ അവസ്ഥയ്ക്ക് പിന്നിൽ. പണ്ടത്തെ ഡെബി ഇങ്ങനെയൊന്നുമല്ലായിരുന്നു

ഫിറ്റ്നസ് തത്പ്പരയായിരുന്നു ഡെബി. ഇവർ ഒരു ട്രയാത്തലൺ പൂർത്തിയാക്കിയിട്ടുണ്ട്. സ്ഥനങ്ങളുടെ ഭാരം കുറയ്ക്കുന്ന ശസ്ത്രക്രിയ കഴിഞ്ഞാൽ നട്ടെല്ല് പൂർവസ്ഥിതിയിലാകുമെന്നും, മെല്ലെ വ്യായാമങ്ങൾ തുടങ്ങാമെന്നും ഇവർ പ്രതീക്ഷിക്കുന്നു

ക്രച്ചസിനെയും വീൽ ചെയറിനെയും ആശ്രയിക്കേണ്ടി വരുന്നതിനാൽ കാമുകൻ ലീയോടൊപ്പം പുറത്തധികം പോകാൻ കഴിയാറില്ലെന്ന് ഡെബി. നിലവിൽ ലൂപസ് രോഗവും പിടിമുറുക്കിയിട്ടുണ്ട്

കാമുകൻ ലീയാണ് തനിക്ക് പിന്തുണയുമായി ഒപ്പമുള്ളത്. ശസ്ത്രക്രിയയ്ക്കു പണം കണ്ടെത്താൻ കൂട്ടുകാരി റീത്ത ബ്ലൂമർ പണം സ്വരൂപിച്ച് സഹായിച്ചെന്ന് ഡെബി പറയുന്നു. ശസ്ത്രക്രിയ ജീവിതം അപ്പാടെ മാറ്റിമറിക്കും എന്ന പ്രതീക്ഷയിലാണിവർ