കൊറോണ വൈറസ് ബാധിതരെ മാത്രം ചികിത്സിക്കാൻ രാജ്യത്തെ ആദ്യ ആശുപത്രി സജ്ജമാക്കി റിലയൻസ്

ന്യൂഡൽഹി: കോവിഡ് -19 രോഗബാധിതരെ മാത്രം ചികിത്സിക്കാൻ 100 കിടക്കകളുള്ള രാജ്യത്തെ ആദ്യ ആശുപത്രി മുംബെയിൽ സജ്ജമാക്കി റിലയൻസ് ഇൻഡസ്ട്രീസ് ലിമിറ്റഡ്.

ബ്രിഹൻ മുംബൈ മുനിസിപ്പൽ കോർപ്പറേഷനുമായി (ബിഎംസി) സഹകരിച്ച് സെവൻ ഹിൽസ് ഹോസ്പിറ്റലിലാണ് കൊറോണ ബാധിതർക്കു മാത്രമായി ഒരു ആശുപത്രി ആരംഭിച്ചിരിക്കുന്നതെന്ന് കമ്പനി പ്രസ്താവനയിൽ പറഞ്ഞു.

രോഗവ്യാപനം പൂർണമായി തടയാനുള്ള ഒരു നെഗറ്റീവ് പ്രഷർ റൂമും ഈ ആശുപത്രിയിൽ സജ്ജീകരിച്ചിട്ടുണ്ട്.

"എല്ലാ കിടക്കകളിലും ആവശ്യമായ അടിസ്ഥാന സൗകര്യങ്ങൾ, ബയോ മെഡിക്കൽ ഉപകരണങ്ങളായ വെന്റിലേറ്റർ, പേസ് മേക്കറുകൾ, ഡയാലിസിസ് മെഷീൻ, രോഗികളെ നിരീക്ഷിക്കാനുള്ള ഉപകരണങ്ങൾ എന്നിവ സജ്ജീകരിച്ചിട്ടുണ്ട്"- കമ്പനി പ്രസ്താവനയിൽ പറഞ്ഞു.

കൊറോണ വ്യാപന രാജ്യങ്ങളിൽ നിന്നെത്തുന്ന യാത്രക്കാരെ ക്വാറന്റൈൻ ചെയ്യുന്നതിനുള്ള പ്രത്യേക മെഡിക്കൽ സംവിധാനം ഏർപ്പെടുത്തുമെന്ന് സർ എച്ച്എൻ റിലയൻസ് ഫൗണ്ടേഷൻ ഹോസ്പിറ്റൽ വ്യക്തമാക്കിയിട്ടുണ്ട്.

രോഗബാധിതരെ ഐസൊലേറ്റ് ചെയ്ത് ചികിത്സ വേഗത്തിൽ ലഭ്യമാക്കാനുള്ള സൗകര്യങ്ങൾ ഒരുക്കുമെന്നും കമ്പനി അറിയിച്ചു.

ലോധിവാലിയിൽ സമ്പൂർണ്ണ ഐസൊലേഷൻ സൗകര്യം ഒരുക്കി ജില്ലാ അധികൃതർക്ക് കൈമാറിയിട്ടുണ്ട്.

രോഗ നിർണയത്തിനും പരിശോധനയ്ക്കുമായി ബയോ റിലയൻസ് ലൈഫ് സയൻസസ് പരിശോധനാ കിറ്റുകൾ ഉൾപ്പെടെയുള്ളവ ഇവിടെ ലഭ്യമാക്കിയിട്ടുണ്ട്.

റിലയൻസ് സെവൻ ഹിൽസ് ഹോസ്പിറ്റൽ

റിലയൻസ് സെവൻ ഹിൽസ് ഹോസ്പിറ്റൽ

റിലയൻസ് സെവൻ ഹിൽസ് ഹോസ്പിറ്റൽ

റിലയൻസ് സെവൻ ഹിൽസ് ഹോസ്പിറ്റൽ

റിലയൻസ് സെവൻ ഹിൽസ് ഹോസ്പിറ്റൽ

റിലയൻസ് സെവൻ ഹിൽസ് ഹോസ്പിറ്റൽ

റിലയൻസ്