Rhea Chakraborty | 'സ്നേഹിച്ചതിന്റെ പേരിൽ റിയയെ വേട്ടയാടുന്നു' ; അറസ്റ്റിനും തയ്യാറെന്ന് നടിയുടെ അഭിഭാഷകൻ

മുംബൈ: ബോളിവുഡ് താരം സുശാന്ത് സിംഗ് രാജ്പുതിന്റെ മരണവുമായി ബന്ധപ്പെട്ട മയക്കു മരുന്ന് കേസിൽ നടി റിയ ചക്രബർത്തിയെ നാർകോട്ടിക്സ് കൺട്രോൾ ബ്യൂറോ ചോദ്യം ചെയ്യുന്നു. റിയയെ അറസ്റ്റ് ചെയ്തേക്കുമെന്നാണ് സൂചനകൾ. (Image: Viral Bhayani)

തെറ്റുകാരി അല്ലെന്നും അറസ്റ്റിന് തയാറാണെന്നും റിയയുടെ അഭിഭാഷകൻ സതീഷ് മനേഷിൻഡേ പ്രസ്താവനയിൽ വ്യക്തമാക്കി. (Image: Amlan Paliwal)

സ്നേഹിച്ചതിന്റെ പേരിലാണ് റിയ വേട്ടയാടപ്പെട്ടു കൊണ്ടിരിക്കുന്നതെന്ന് അദ്ദേഹം പറഞ്ഞു. (Image: Amlan Paliwal)

സ്നേഹിക്കുന്നത് തെറ്റാണെങ്കിൽ റിയ അതിന്റെ പരിണിത ഫലം അഭിമുഖീകരിക്കേണ്ടി വരുമെന്നും അഭിഭാഷകൻ വ്യക്തമാക്കുന്നു. (Image: Amlan Paliwal)

റിയ നിരപരാധിയാണെന്നും അതിനാലാണ് ഇതുവരെ മുൻകൂർ ജാമ്യത്തിന് ശ്രമിക്കാതിരുന്നതെന്നും അദ്ദേഹം പറഞ്ഞു. (Image: Viral Bhayani)

ചോദ്യം ചെയ്യലിന് ഹാജരാകാൻ റിയയ്ക്ക് ഇന്നാണ് നാർകോട്ടിക്സ് വിഭാഗം നിർദേശം നൽകിയത്. (Image: Viral Bhayani)

മയക്കു മരുന്ന് കേസുമായി ബന്ധപ്പെട്ട് റിയയുടെ സഹോദരന്‍ ഷോവിക്കിനെയും സുശാന്തിന്റെ വീടിന്റെ മാനേജർ സാമുവൽ മിരാൻഡയെയും നാർകോട്ടിക്സ് ബ്യൂറോ നേരത്തെ അറസ്റ്റ് ചെയ്തിരുന്നു. (Image: Viral Bhayani)

സുശാന്തിന്റെ വീട്ടിലെ ജോലിക്കാരൻ ദീപേഷ് സാവന്ത് കേസുമായി ബന്ധപ്പെട്ട് കഴിഞ്ഞ ദിവസം അറസ്റ്റിലായിരുന്നു. . (Image: Viral Bhayani)

ഇതിനുപിന്നാലെയാണ് റിയയെ ചോദ്യം ചെയ്യാൻ വിളിപ്പിച്ചത്. കേസിൽ അറസ്റ്റിലായ ഷോവിക് ചക്രബർത്തി, സാമുവൽ മിരാൻഡ എന്നിവരെ സെപ്തംബര്‍ 9 വരെ കസ്റ്റഡിയില്‍ വിട്ടിട്ടുണ്ട്. (Image: Viral Bhayani)