229 കോടിയുടെ ആസ്തി; 150 കോടിയുടെ സ്റ്റാർട്ട് അപ്പ്! സിനിമയിലും ബിസിനസ്സിലും തിളങ്ങി ആലിയ ഭട്ട്

ബോളിവുഡിൽ ഏറ്റവും കൂടുതൽ പ്രതിഫലം വാങ്ങുന്ന മുൻനിര നടിമാരിൽ ഒരാളാണ് ആലിയ ഭട്ട്. അടുത്തിടെ ബോളിവുഡിൽ ഹിറ്റായ സിനിമകളിലെല്ലാം നായിക ആലിയ ഭട്ട് ആയിരുന്നു.

ആലിയ ഭട്ട് നായികയായ ഏഴ് സിനിമകളാണ് നൂറ് കോടി ക്ലബ്ബിൽ ഇടം നേടിയത്. ബ്രഹ്മാസ്ത്ര, ഗംഗുഭായ്, ഗള്ളി ബോയ്, റാസി തുടങ്ങിയ ചിത്രങ്ങൾ ഇവയിൽ ചിലതാണ്. ഇതിനു പുറമേ, ആലിയയുടെ ആദ്യ ഹോളിവുഡ് ചിത്രമായ ഹാർട്ട് ഓഫ് സ്റ്റോൺസ് നെറ്റ്ഫ്ലിക്സിൽ പുറത്തിറങ്ങാനിരിക്കുകയാണ്.

സിനിമയിൽ മാത്രമല്ല, ബിസിനസ്സിലും ആലിയയ്ക്ക് ഇത് നല്ല സമയമാണ്. കുട്ടികളുടെ വസ്ത്രങ്ങളുമായി എഡ് മാമ എന്ന ബ്രാ‍ൻഡാണ് ആലിയയുടേത്. മറ്റ് നിരവധി നിക്ഷേപങ്ങളും ആലിയയ്ക്കുണ്ട്. 150 കോടിയാണ് എഡ് മാമയുടെ ആസ്തിയെന്നാണ് റിപ്പോർട്ടുകൾ. ഇതിനൊപ്പം സ്ത്രീകളുടെ മെറ്റേണിറ്റി വസ്ത്രശേഖരവും ആലിയ ആരംഭിച്ചിരുന്നു.

‌IIT കാൺപൂരുമായി ചേർന്ന് D2C വെൽനസ് കമ്പനിയായ Phool.Co എന്ന ബ്രാൻഡിലും ആലിയയ്ക്ക് നിക്ഷേപമുണ്ട്.

സിനിമയിൽ അഭിനയത്തിനു പുറമേ, നിർമാണ രംഗത്തും ആലിയ സജീവമാണ്. എറ്റേണൽ സൺഷൈൻ പ്രൊഡക്ഷൻ എന്നാണ് ആലിയയുടെ നിർമാണ കമ്പനിയുടെ പേര്.

ഫോബ്സ് റിപ്പോർട്ട് അനുസരിച്ച് 229 കോടിയാണ് ആലിയയുടെ മാത്രം ആസ്തി. ബോളിവുഡിൽ ഏറ്റവും കൂടുതൽ പ്രതിഫലം വാങ്ങുന്ന നടിമാരിൽ രണ്ടാം സ്ഥാനത്താണ് ആലിയ. 20 കോടിയാണ് ഒരു ചിത്രത്തിന് ആലിയയുടെ പ്രതിഫലം.

മുംബൈ ബാന്ദ്രയിൽ 13.11 കോടിയുട‌െ അപാർട്മെന്റിലാണ് ഇപ്പോൾ ആലിയ താമസിക്കുന്നത്. നിലവിൽ സ്വന്തമായി രണ്ട് വീടുകളാണ് താരത്തിനുള്ളതെന്നാണ് റിപ്പോർട്ട്. ആഡംബര വാഹനങ്ങളുടെ വമ്പൻ ശേഖരവും ആലിയയ്ക്കുണ്ട്.

ബിഎംഡബ്ല്യൂ 7 സീരീസ്, ഔഡി 6, ഔഡി ക്യൂ7, റേഞ്ച് റോവർ തുടങ്ങി ആകെ മൂന്ന് കോടി മൂല്യമുള്ള വാഹനശേഖരം ആലിയയ്ക്കുണ്ട്.