Royal Enfield Bullet 350: വൻ രൂപമാറ്റവുമായി പുതിയ ഭാവത്തിൽ ബുള്ളറ്റ് ക്ലാസിക് 350

അന്നും ഇന്നും ഇരുചക്രവാഹന വിപണിയിലെ രാജാവാണ് റോയൽ എൻഫീൽഡ് എന്ന നമ്മുടെ ബുള്ളറ്റ്. പതിറ്റാണ്ടുകളായി നമ്മുടെ നിരത്തുകളിൽ പ്രൗഢിയുടെയും ആഡംബരത്തിന്റെയും പ്രതീകമായി ബുള്ളറ്റ് നിറഞ്ഞുനിൽക്കുന്നു.(Photo: Shahrukh Shah/ News18)

പുതിയ മോഡലുകൾ കമ്പനി അവതരിപ്പിക്കുന്നത് വലിയ പ്രതീക്ഷയോടെയാണ് വാഹന പ്രേമികൾ നോക്കിക്കാണുന്നത്. വിവിധ സെഗ്‌മെന്റുകളിൽ നിരവധി മോഡലുകൾ കമ്പനി അടുത്തിടെ പുറത്തിറക്കിയിട്ടുണ്ട്. (Photo: Shahrukh Shah/ News18)

ഏറ്റവും ഒടുവിൽ ഓഗസ്റ്റ് 12നാണ് 350 സെഗ്‌മെന്റിൽ മറ്റൊരു വാഹനം കമ്പനി പുറത്തിറക്കിയത്. ഏറ്റവും കൂടുതൽ വിറ്റഴിക്കപ്പെടുന്ന റോയൽ എൻഫീൽഡിന്റെ മോഡലാണ് ഇപ്പോൾ ഇത്. (Photo: Shahrukh Shah/ News18)

മോഡലിലെ ഏറ്റവും പ്രധാനപ്പെട്ട അപ്‌ഡേറ്റ്, പുതിയ എൽഇഡി ഹെഡ്‌ലൈറ്റാണ്. റോയൽ എൻഫീൽഡ് ഒടുവിൽ ഹാലൊജൻ ലൈറ്റ് ആണ് നൽകിയത്. . (Photo: Shahrukh Shah/ News18)

റോയൽ എൻഫീൽഡിന്റെ ഈ ബൈക്കിന് 20 ബിഎച്ച്പി പവറും 27 എൻഎം ടോർക്കും സൃഷ്ടിക്കുന്ന 350 സിസി സിംഗിൾ എയർ കൂൾഡ് എഞ്ചിനാണുള്ളത്. (Photo: Shahrukh Shah/ News18)

ക്ലാസിക് 350 5 സ്പീഡ് ട്രാൻസ്മിഷനും വെറ്റ് ക്ലച്ചുമായാണ് അവതരിപ്പിച്ചത്. മുന്നിൽ ഇരട്ട ടെലിസ്‌കോപിക് ഫോർക്കുകളും പിന്നിൽ ഇരട്ട അബ്സോർബറുകളുമുണ്ട്. (Photo: Shahrukh Shah/ News18)

റോയൽ എൻഫീൽഡ് ക്ലാസിക് 350 യിൽ 42 എംഎം മുൻ ഫോർക്കുകളാണുള്ളത്. ഡ്യുവൽ ചാനൽ എബിഎസ് പിന്തുണയുമുണ്ട്.(Photo: Shahrukh Shah/ News18)

 റോയൽ എൻഫീൽഡ് ക്ലാസിക് 350 ൽ 300 എംഎം, 270 എംഎം ഡിസ്‌ക് ബ്രേക്കുകളാണ് ഉപയോഗിച്ചിരിക്കുന്നത്.(Photo: Shahrukh Shah/ News18)

 ഉപഭോക്താക്കളുടെ സൗകര്യാർത്ഥം ടൈപ്പ് സി ചാർജിംഗ് പോർട്ട്, ക്രമീകരിക്കാവുന്ന ലിവർ, നാവിഗേഷൻ ഡിസ്‌പ്ലേ, ഗിയർ പൊസിഷൻ ഇൻഡിക്കേറ്റർ എന്നിവ ക്ലാസിക് 350-ൽ കമ്പനി ഉൾപ്പെടുത്തിയിട്ടുണ്ട്. (Photo: Shahrukh Shah/ News18)

ക്ലാസിക് 350ന്റെ ഓൺറോഡ് വില 2.15 ലക്ഷം രൂപയിലാണ് തുടങ്ങുന്നത്. . (Photo: Shahrukh Shah/ News18)