OnePlus 11 5G | വൺ പ്ലസ് 11 5 ജി ഇന്ത്യയിൽ; വിലയും പ്രത്യേകതകളും

ലോകമെങ്ങും ആരാധകരുള്ള സ്മാര്‍ട്ട് ഫോണ്‍ ബ്രാന്‍ഡാണ് വണ്‍ പ്ലസ്. ഇപ്പോഴിതാ കമ്പനിയുടെ ഈ വര്‍ഷത്തെ ഫ്‌ളാഗ്ഷിപ്പ് സ്മാര്‍ട്ട് ഫോണായ വണ്‍പ്ലസ് 11 5ജിയുടെ വില്‍പ്പന ഇന്ത്യയില്‍ ആരംഭിച്ചിരിക്കുകയാണ്.

ക്വാല്‍കോമിന്റെ ഏറ്റവും പുതിയ സ്‌നാപ്ഡ്രാഗണ്‍ 8 ജെന്‍ 2 ചിപ്പ്‌സെറ്റിന്റെ കരുത്തിലാണ് വണ്‍ പ്ലസ്സിന്റെ ഈ പുത്തന്‍ വേര്‍ഷന്‍ പ്രവര്‍ത്തിക്കുന്നത്. 100w Supervooc ഫാസ്റ്റ് ചാര്‍ജിംഗ് ടെക്‌നോളജി, 120 Hz ന്റെ സൂപ്പര്‍ ഫ്‌ളൂയിഡ് അമോല്‍ഡ് ഡിസ്‌പ്ലേ തുടങ്ങി നിരവധി സവിശേഷതകളാണ് ഫോണിനുള്ളത്.

<strong>ആരെയും ആകര്‍ഷിക്കുന്ന ഡിസൈന്‍ -</strong> ഇറ്റേണല്‍ ഗ്രീന്‍, ടൈറ്റന്‍ ബ്ലാക്ക് എന്നീ രണ്ട് കളര്‍ വേരിയന്റുകളിലാണ് വണ്‍ പ്ലസ് 11 5ജി പുറത്തിറക്കിയിരിക്കുന്നത്. ബേസിക് വേരിയന്റിന്റെ വില 56,999 രൂപയും ഹയര്‍ മോഡലിന്റെ വില 61,999 രൂപയുമാണ്. ലൈറ്റ് വെയ്റ്റ് ആണ് എന്നതാണ് ഈ ഫോണിന്റെ മറ്റൊരു പ്രത്യേകത.

ട്രിപ്പിള്‍ ക്യാമറ സംവിധാനത്തോടെയാണ് വണ്‍ പ്ലസ്സ് എത്തിയിരിക്കുന്നത്. ഫോണിന് പിറകില്‍ എല്‍ഇഡിയും ഘടിപ്പിച്ചിട്ടുണ്ട്. ഫോണിന്റെ വലത് വശത്താണ് പവര്‍ ബട്ടണ്‍ . ഇടത് ഭാഗത്താണ് വോളിയം റോക്കേഴ്‌സിന്റെ സ്ഥാനം. ഫോണിന്റെ മുകള്‍ ഭാഗത്തായി ഒരു സ്പീക്കര്‍ ഗ്രില്ലും മൈക്രോഫോണും ഉണ്ട്.

ഫോണിന്റെ താഴ്ഭാഗത്തായിട്ടാണ് നാനോ സിം സ്ലോട്ട്, യുഎസ്ബി ചാര്‍ജിംഗ് സ്ലോട്ട്, സ്പീക്കറുകള്‍ എന്നിവ ഘടിപ്പിച്ചിരിക്കുന്നത്. സ്പീക്കറുകളുടെ പെര്‍ഫോര്‍മന്‍സും അതിശയിപ്പിക്കുന്നതാണ്. ആക്‌സിലറോമീറ്റര്‍, ആംബിയന്റ് ലൈറ്റ് സെന്‍സര്‍, കോംപസ്, മാഗ്നറ്റോമീറ്റര്‍, ഗൈറോസ്‌കോപ്പ് ഡിസ്‌പ്ലേ ഫിംഗര്‍ പ്രിന്റ് സെന്‍സര്‍ എന്നിവയാണ് ഫോണിലെ പ്രധാന സെന്‍സറുകള്‍.

ഇതിന്റെ ഡിസ്‌പ്ലേയും അതിശയിപ്പിക്കുന്നതാണ്. 6.7 ഇഞ്ച് ക്വാഡ് എച്ച്ഡി+ 10-ബിറ്റ് LTPO 3.0 Amoled ഡിസ്‌പ്ലേയാണ് ഫോണിലുള്ളത്. ഡിസ്‌പ്ലേയ്ക്ക് ഗൊറില്ല ഗ്ലാസ്സ് പ്രൊട്ടക്ഷനും ഉണ്ട്. വളരെ സ്മൂത്ത് ആയി സ്‌ക്രോളിംഗ് അനുഭവം നല്‍കുന്ന ഡിസ്‌പ്ലേയാണിത്.

<strong>ക്യാമറ ക്വാളിറ്റി - </strong>ട്രിപ്പിള്‍ ക്യാമറ സംവിധാനത്തില്‍ പുറത്തിറക്കിയിരിക്കുന്ന സ്മാര്‍ട്ട് ഫോണാണ് വണ്‍പ്ലസ് 11 5ജി. 50 എംപിയുള്ള പ്രൈമറി ക്യാമറ. 48 എംപിയുള്ള ഒരു ക്യാമറ. 32 എംപിയുള്ള മറ്റൊരു ക്യാമറ. എന്നിങ്ങനെയാണ് ഈ ഫോണിലെ ക്യാമറകൾ. സെല്‍ഫികള്‍ എടുക്കാനായി ഫ്രണ്ട് ക്യാമറയും സെറ്റ് ചെയ്തിട്ടുണ്ട്. 16എംപിയുള്ളതാണ് ഈ ക്യാമറ.

<strong>വണ്‍പ്ലസ് പെര്‍ഫോമന്‍സ് -</strong> 100w സൂപ്പര്‍വൂക്ക് ഫാസ്റ്റ് ചാര്‍ജിംഗ് സപ്പോര്‍ട്ടുള്ള ഈ ഫോണില്‍ 5000 എംഎഎച്ച് ബാറ്ററിയാണുള്ളത്. ഫുള്‍ ചാര്‍ജ് ചെയ്ത ഫോണിന് ഒരു ദിവസം മുഴുവന്‍ പ്രവര്‍ത്തിക്കാനാകും.100w യഥാര്‍ത്ഥത്തില്‍ ഉപഭോക്താക്കള്‍ക്ക് ഒരു അനുഗ്രഹമാണ്. ഇതിലൂടെ 25 മിനിറ്റിനുള്ളില്‍ തന്നെ ഫോണ്‍ 0 -100 ശതമാനം വരെ ബാറ്ററി ചാര്‍ജ് ചെയ്യാന്‍ സാധിക്കും. ഗെയിമിംഗ് സമയത്ത് ഫോണ്‍ ചൂടാകും എന്ന പ്രശ്‌നവുമില്ല. എന്നാല്‍ അമിതമായ ഉപയോഗത്തിന് ശേഷം ഫോണ്‍ ചൂടാകുന്നതായി ശ്രദ്ധയില്‍പ്പെട്ടിട്ടുണ്ട്.