Redmi Note 14 Pro Series :' ഞെട്ടാൻ റെഡിയായിക്കോളൂ വരുന്നു റെഡ്‌മി നോട്ട് 14 പ്രോ സിരീസ്'; 200 എംപി ക്യാമറയും കിടിലൻ ഫീച്ചറുകളും
- Published by:Sarika N
- news18-malayalam
Last Updated:
ഹൈപ്പര്‍ഒഎസില്‍ റെഡ്‌മി നോട്ട് 14 പ്രോ, റെഡ്‌മി നോട്ട് 14 പ്രോ+ എന്നീ മോഡലുകളാണ് വരാനിരിക്കുന്നത്
advertisement
1/5
ചൈനീസ് സ്‌മാര്‍ട്ട്ഫോണ്‍ ബ്രാന്‍ഡായ ഷവോമി റെഡ്‌മി നോട്ട് 14 പ്രോ സിരീസ് ( Redmi Note 14 Pro Series )കഴിഞ്ഞ ആഴ്‌ച ചൈനയില്‍ അവതരിപ്പിച്ചിരുന്നു. ഇപ്പോള്‍ ഈ സ്‌മാര്‍ട്ട്ഫോണ്‍ ഇന്ത്യയടക്കമുള്ള ആഗോള വിപണിയിലേക്ക് എത്താന്‍ പോകുന്നു എന്നാണ് റിപ്പോർട്ടുകൾ സൂചിപ്പിക്കുന്നത്. റെഡ്‌മി നോട്ട് 14 പ്രോ സിരീസിന്‍റെ ഗ്ലോബല്‍ ലോഞ്ചിനെ കുറിച്ച് ഷവോമി യാതൊന്നും വ്യക്തമാക്കിയിട്ടില്ലെങ്കിലും ഹൈപ്പര്‍ഒഎസ് കോഡിലെ വിവരങ്ങള്‍ നല്‍കുന്ന സൂചനകള്‍ പുറത്തുവന്നിട്ടുണ്ട്.
advertisement
2/5
ഹൈപ്പര്‍ഒഎസില്‍ റെഡ്‌മി നോട്ട് 14 പ്രോ, റെഡ്‌മി നോട്ട് 14 പ്രോ+ എന്നീ മോഡലുകളാണ് വരാനിരിക്കുന്നത്. ഇവയില്‍ റെഡ്‌മി നോട്ട് 14 പ്രോ+ 200 മെഗാപിക്‌സലിന്‍റെ പ്രൈമറി സെന്‍സറോടെ ട്രിപ്പിള്‍ റിയര്‍ ക്യാമറ യൂണിറ്റോടെയാണ് വരിക എന്നാണ് സൂചന. സാംസങിന്‍റെ S5KHP3 സെന്‍സറിലുള്ളതാണ് 200 എംപി ക്യാമറ. 50 എംപിയുടെ ടെലിഫോട്ടോ ലെന്‍സും പുതിയ മോഡലിൽ ഉണ്ടാവുമെന്നാണ് റിപ്പോർട്ടുകൾ .
advertisement
3/5
സ്‌നാപ്‌ഡ്രാഗണ്‍ 7എസ് ജെനറേഷന്‍ 3 എസ്‌ഒസി പ്രൊസസറിലായിരിക്കും റെഡ്‌മി നോട്ട് 14 പ്രോ+ വരിക. ചൈനയില്‍ പുറത്തിറങ്ങിയ അതേ 1.5കെ റെസലൂഷനിലുള്ള 6.67 ഇഞ്ച് ഒഎല്‍ഇഡി ഡിസ്പ്ലെയും സമാനമായിരിക്കും. റെഡ്‌മി നോട്ട് 14 പ്രോ വേരിയന്‍റും 200 എംപി സാംസങ് S5KHP3 സെന്‍സറോടെയാണ് വിപണിയിലെത്തുക.
advertisement
4/5
എട്ട് മെഗാപിക്‌സലിന്‍റെ സോണി IMX355 അള്‍ട്രാ വൈഡ്-ആംഗിള്‍ സെന്‍സറും 2 എംപിയുടെ OV02B10 മാക്രോ സെന്‍സറും ഫോണിൽ ഉണ്ടെന്നാണ് വിവരം . മീഡിയടെക്‌ ഡൈമന്‍സിറ്റി 7300 അള്‍ട്രാ ചിപ്സെറ്റും 6.67 ഇഞ്ച് ഒഎല്‍ഇഡി ഡിസ്പ്ലെയും പുതിയ മോഡലിലെ സവിശേഷതയാണ് .
advertisement
5/5
5,500 എംഎഎച്ച് ബാറ്ററി കപ്പാസിറ്റിയില്‍ 45 വാട്ട്‌സ് ഫാസ്റ്റ് ചാര്‍ജിംഗാണ് ചൈനയില്‍ പുറത്തിറങ്ങിയ റെഡ്‌മി നോട്ട് 14 പ്രോ, റെഡ്‌മി നോട്ട് 14 പ്രോ+ സ്മാര്‍ട്ട്ഫോണുകളിലുണ്ടായിരുന്നത്.
മലയാളം വാർത്തകൾ/Photogallery/Money/Tech/
Redmi Note 14 Pro Series :' ഞെട്ടാൻ റെഡിയായിക്കോളൂ വരുന്നു റെഡ്‌മി നോട്ട് 14 പ്രോ സിരീസ്'; 200 എംപി ക്യാമറയും കിടിലൻ ഫീച്ചറുകളും