യുവേഫ നേഷൻസ് ലീഗ് കിരീടം സ്പെയിനിന്; ക്രൊയേഷ്യയെ വീഴ്ത്തിയത് ഷൂട്ടൗട്ടിൽ

യുവേഫ നേഷൻസ് ലീഗ് കിരീടം സ്‌പെയിനിന്. ക്രൊയേഷ്യയെ പെനാൽറ്റി ഷൂട്ടൗട്ടിൽ 5-4ന് പരാജയപ്പെടുത്തിയാണ് സ്‌പെയിൻ കിരീടം നേടിയത്. സ്പെയിനിന്‍റെ ആദ്യ നേഷൻസ് ലീഗ് കിരീടമാണിത്. (AP Photo/Peter Dejong)

നിശ്ചിത സമയത്തും അധിക സമയത്തും ഗോൾരഹിതമായിരുന്ന മത്സരത്തിൽ, 5-4നാണ് സ്പെയിനിന്റെ ഷൂട്ടൗട്ട് വിജയം. (AP Photo/Peter Dejong)

പെനൽറ്റി ഷൂട്ടൗട്ടിൽ ക്രൊയേഷ്യൻ താരം ബ്രൂണോ പെട്കോവിച്ചിന്റെ ഷോട്ട് രക്ഷപ്പെടുത്തിയ ഗോൾകീപ്പർ ഉനായ് സൈമണാണ് സ്പെയിനിന് കന്നി നേഷൻസ് ലീഗ് കിരീടം സമ്മാനിച്ചത്.  (AP Photo/Martin Meissner)

2012ൽ യൂറോ കപ്പ് വിജയിച്ച ശേഷം കഴിഞ്ഞ 11 വർഷത്തിനിടെ സ്പെയിൻ നേടുന്ന ആദ്യ പ്രധാന കിരീടമാണിത്. (AP Photo/Peter Dejong)

ഇതോടെ, ലോകകപ്പിനും യൂറോ കപ്പിനും പുറമേ യുവേഫ നേഷൻസ് ലീഗ് കിരീടവും നേടുന്ന രണ്ടാമത്തെ മാത്രം ടീമായി സ്പെയിൻ മാറി. (AP Photo/Peter Dejong)

ഫ്രാൻസാണ് ഈ മൂന്നു കിരീടങ്ങളും നേടിയ ആദ്യ ടീം. 2021ലെ നേഷൻസ് ലീഗ് ഫൈനലിൽ സ്പെയിനിനെ വീഴ്ത്തിയാണ് ഫ്രാൻസ് കിരീടം നേടിയത്. (AP Photo/Peter Dejong)

ക്രൊയേഷ്യയുടെ ലോവ്റോ മയേറിന്റെ കിക്ക് രക്ഷപ്പെടുത്തി ഗോൾകീപ്പർ സൈമൺ ഷൂട്ടൗട്ടിന്റെ തുടക്കത്തിൽത്തന്നെ സ്പെയിനിന് വിജയവഴി തുറന്നിട്ടതാണ്. (AP Photo/Martin Meissner)

പക്ഷേ, സ്പാനിഷ് താരം അയ്മെറിക് ലപോർട്ടയുടെ അഞ്ചാമത്തെ കിക്ക് ക്രോസ് ബാറിൽത്തട്ടി തെറിച്ചത് വിനയായി. (AP Photo/Martin Meissner)

ഇതിനു പിന്നാലെയാണ് പെട്കോവിച്ചിന്റെ ഷോട്ടും രക്ഷപ്പെടുത്തി സൈമൺ താരമായത്. ഇതോടെ അടുത്ത കിക്ക് ലക്ഷ്യത്തിലെത്തിച്ച് കാർവഹാൽ സ്പെയിനിന് കിരീടം സമ്മാനിച്ചു. (AP Photo/Peter Dejong)

സെമി ഫൈനലിൽ ഇറ്റലിയെ തോൽപിച്ചാണ് സ്പെയിൻ ഫൈനലിലെത്തിയത്. (AP Photo/Martin Meissner)

നെതർലൻഡ്സിനെ വീഴ്ത്തിയാണ് ക്രൊയേഷ്യ ഫൈനലിലെത്തിയത്.  (AP Photo/Peter Dejong)

മൂന്നാംസ്ഥാനക്കാർക്കായുള്ള മത്സരത്തിൽ നെതർലൻഡ്സിനെ ഇറ്റലി 3-2ന് തോൽപ്പിച്ചു. (AP Photo/Martin Meissner)

ഫോട്ടോ- സ്പെയിൻ ഗോളി ഉനായ് സൈമൺ ട്രോഫിയുമായി. (AP Photo/Peter Dejong)