വായും കാലും മുറുക്കിക്കെട്ടി റോഡരികിൽ തള്ളി; നൂറോളം തെരുവ് നായ്ക്കൾ കൊല്ലപ്പെട്ട നിലയിൽ

മുംബൈ: മഹാരാഷ്ട്രയിലെ ബുൽദാന ജില്ലയിൽ തൊണ്ണൂറോളം തെരുവ് നായ്ക്കളെ ദുരൂഹ സാഹചര്യത്തിൽ കൊല്ലപ്പെട്ട നിലയിൽ കണ്ടെത്തി. കിഴക്കൻ മഹാരാഷ്ട്ര ജില്ലയിലെ വനമേഖലയിലെ ഗിർദ-സവാൽദബര റോഡിലെ വിവിധ ഭാഗങ്ങളിലായാണ് നായ്ക്കളുടെ മൃതദേഹം കണ്ടെത്തിയത്. നൂറിൽ അധികം നായ്ക്കളെ വായും കാലും കൂട്ടിക്കെട്ടി റോഡരികിൽ ഉപേക്ഷിച്ച നിലയിലായിരുന്നു. ഇതിൽ തൊണ്ണൂറോളം നായ്ക്കൾ ചത്തു. റോഡരികിൽ നിന്ന് ദുർഗന്ധം ഉയർന്നതോടെയാണ് സംഭവം ജനങ്ങളുടെ ശ്രദ്ധയിൽപെടുന്നത്.