അറുക്കാൻ പിടിച്ച കോഴി ജീവനും കൊണ്ടുപാഞ്ഞു; പിന്നാലെ ഓടിയ കടയുടമ പൊട്ടക്കിണറ്റിൽ വീണു

അലി കോഴിയെ അറുക്കാൻ എടുത്തപ്പോൾ അത് തെന്നിമാറുകയായിരുന്നു. അതിന് പിന്നാലെ ഓടിയ അലി അറുപതടിയോളം താഴ്ചയുള്ള കിണറ്റിലേക്ക് വീഴുകയായിരുന്നു. കരച്ചിൽ കേട്ട് ഓടിയെത്തിയവർ രക്ഷിക്കാൻ ശ്രമിച്ചെങ്കിലും പരുക്ക് മൂലം മുകളിലേക്ക് കയറ്റാൻ സാധിച്ചില്ല. ഇദ്ദേഹത്തെ കിണറ്റിലെ പാറയിലേക്ക് കിടത്തിയ ശേഷം നാട്ടുകാർ‌ അഗ്നിശമന സേനയെ വിവരമറിയിക്കുകയായിരുന്നു. ഒരു മണിക്കൂറത്തെ പരിശ്രമത്തിനൊടുവിലാണ് അലിയെ രക്ഷിച്ച് കരയ്ക്ക് കയറ്റിയത്.