Gopi Sundar: 'ഏട്ടാ ഈ വേദന പ്രപഞ്ചം സുഖപ്പെടുത്തും'; ​ഗോപി സുന്ദറിന്റെ അമ്മയുടെ വിയോ​ഗത്തിൽ അഭയ ഹിരൺമയിയും അമൃതയും

ഇനിയുള്ള കാലമത്രയും അമ്മ നിങ്ങളുടെ വഴികാട്ടിയായി ഒപ്പമുണ്ടായിരിക്കട്ടെയെന്നും അഭയ സോഷ്യൽ മീഡിയയിൽ‌ കുറിച്ചു.ഗോപിസുന്ദറിനും അമ്മയ്ക്കുമൊപ്പമുള്ള ചിത്രവും അഭയ പങ്കുവച്ചിട്ടുണ്ട്. അമ്മാ.... ആദരാഞ്ജലികൾ എന്നാണ് അമൃത സുരേഷ് കുറിച്ചത്. വ്യാഴാഴ്ചയാണ് ​ഗോപി സുന്ദറിന്റെ അമ്മ ലിവി സുരേഷ് അന്തരിച്ചത്. ഗോപി സുന്ദർ തന്നെയാണ് ഇക്കാര്യം സോഷ്യൽ മീഡിയയിലൂടെ അറിയിച്ചത്. അമ്മ എപ്പോഴും തന്റെ ശക്തിയും വഴികാട്ടിയുമാണ്. അമ്മ എങ്ങും പോയിട്ടില്ലെന്നും എപ്പോഴും തനിക്കൊപ്പമുണ്ടായിരിക്കുമെന്നും ​ഗോപി സുന്ദർ കുറിച്ചിരുന്നു. അമ്മയ്ക്കൊപ്പമുള്ള ചിത്രം പങ്കുവച്ചുകൊണ്ടാണ് ​ഗോപി സുന്ദർ ചിത്രം പങ്കുവച്ചത്.