'മദ്യപാനം മറ്റുള്ളവർക്കും ബുദ്ധിമുട്ടായി, നിർത്താൻ കാരണം ജയസൂര്യയുടെ കഥാപാത്രം'; അജുവർഗീസ്
- Published by:Sneha Reghu
- news18-malayalam
Last Updated:
മദ്യപാനം ഒരിക്കലും ശീലമായിരുന്നില്ലെന്നും എങ്ങനെയൊക്കെയോ വന്നു തുടങ്ങിയതാണെന്നുമാണ് അജു വർഗീസ് പറയുന്നത്
ജയസൂര്യ നായകനായെത്തിയ 'വെള്ളം' സിനിമ കണ്ടതോടു കൂടി ജീവിതത്തിൽ വന്നെത്തിയ മാറ്റത്തെ കുറിച്ച് പറഞ്ഞ് നടൻ അജു വർഗീസ്. ഒരു തമാശയ്ക്ക് തുടങ്ങിയ മദ്യപാനം ഒഴിവാക്കാൻ കഴിയാത്തൊരു സാഹചര്യത്തിലേക്ക് വരെ എത്തിയിരുന്നെന്നുമാണ് അജു പറയുന്നത്. വെള്ളം സിനിമ കണ്ടതോടെയാണ് ഇതിനൊക്കെ മാറ്റം വന്നതെന്നാണ് നടന്റെ വെളിപ്പെടുത്തൽ. സിനിമ തന്റെ ജീവിതത്തിൽ വരുത്തിയ മാറ്റത്തെ കുറിച്ച് മനോരമ ഓൺലൈനിൽ സംസാരിക്കുകയായിരുന്നു അജുവർഗീസ്.
മദ്യപാനം ഒരിക്കലും ശീലമായിരുന്നില്ലെന്നും എങ്ങനെയൊക്കെയോ വന്നു തുടങ്ങിയതാണെന്നുമാണ് അജു വർഗീസ് പറയുന്നത്. മാനസിക സമ്മർദവും പിരിമുറുക്കവും വരുമ്പോഴാണ് ഇതുപോലുള്ള ശീലങ്ങൾ കണ്ടെത്തി തുടങ്ങിയിരുന്നത്. പിന്നീട് മദ്യപാനം ഒരു പരിധി കഴിഞ്ഞപ്പോൾ മറ്റുള്ളവർക്കും ബുദ്ധിമുട്ടാകാൻ തുടങ്ങി. ഇതു മൂലം തനിക്ക് ഏറ്റവും വേണ്ടപ്പെട്ടവർക്ക് പോലും പ്രയാസമുണ്ടാകാൻ തുടങ്ങിയെന്നാണ് അജു പറയുന്നത്.
ആ സമയത്താണ് താൻ വെള്ളം സിനിമ കണ്ടതെന്നും താൻ അതിൽ ജയസൂര്യ അവതരിപ്പിച്ച മുരളിയുടെ കഥാപാത്രത്തിലേക്ക് അധികം വൈകാതെ എത്തുമെന്ന് ഒരു തോന്നലുണ്ടാക്കി. അത് തന്നിൽ ഒരു ഷോക്കിങ് ഉണ്ടാക്കിയെന്നുമാണ് നടന്റെ വെളിപ്പെടുത്തൽ. ഈ ഒരു തോന്നൽ ഞെട്ടലും ഭയവും ഉണ്ടാക്കിയെന്നും തുടർന്നാണ് മദ്യപാനം നിർത്താൻ തീരുമാനിച്ചതെന്നുമാണ് അജു വർഗീസ് പറഞ്ഞത്.
advertisement
2010-ൽ വിനീത് ശ്രീനിവാസൻ സംവിധാനം ചെയ്ത മലർവാടി ആർട്സ് ക്ലബ് എന്ന സിനിമയിലൂടെയാണ് അജു അഭിനയ രംഗത്തേക്ക് വരുന്നത്.
തട്ടത്തിൽ മറയത്ത് ഉൾപ്പെടെയുള്ള ചിത്രങ്ങളാണ് നടന് ജനപ്രീതി നേടികൊടുത്തത്. 2019-ൽ പുറത്തിറങ്ങിയ ഹെലൻ എന്ന ചിത്രത്തിലൂടെയാണ് നടൻ സീരിയസ് വേഷങ്ങളിലേക്ക് കടന്നത്. സഹനടനായും കോമേഡിയനായും കരിയർ ആരംഭിച്ച അജു ഇപ്പോൾ വില്ലൻ, നായകൻ തുടങ്ങി എല്ലാ റോളുകളിലും തിളങ്ങാറുണ്ട്. അജുവിന്റെതായി അവസാനം പുറത്തിറങ്ങിയ ചിത്രം സ്വർഗമാണ്.
നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
November 30, 2024 8:26 AM IST
മലയാളം വാർത്തകൾ/ വാർത്ത/Buzz/
'മദ്യപാനം മറ്റുള്ളവർക്കും ബുദ്ധിമുട്ടായി, നിർത്താൻ കാരണം ജയസൂര്യയുടെ കഥാപാത്രം'; അജുവർഗീസ്
