കളമശേരി സംഭവം; 'അഭിനന്ദനങ്ങള്‍ക്കും ഐക്യദാർഢ്യത്തിനും നന്ദി; വ്യക്തിപരമായ അഭിപ്രായങ്ങളും കാഴ്ചപ്പാടുകളും മാത്രമാണത്' ; ഷെയ്ൻ നിഗം

കഴിഞ്ഞ ദിവസം കളമശ്ശേരിയിലുണ്ടായ സ്ഫോടനത്തിന്റെ പശ്ചാത്തലത്തിൽ നടൻ ഷെയ്ൻ നിഗം സമൂഹമാധ്യമങ്ങളിൽ പങ്കുവച്ച കുറിപ്പുകൾ ഏറെ ജനശ്രദ്ധ പിടിടച്ചുപറ്റിയിരുന്നു. ഇതിനു പിന്നാലെ നിരവധി പേരാണ് താരത്തിനെ അഭിനന്ദിച്ചും ഐക്യദാർഢ്യം നേർന്നും എത്തിയത്. ഇപ്പോഴിതാ ഈ വിഷയത്തിൽ മറ്റൊരു പ്രതികരണവുമായി എത്തിയിരിക്കുകയാണ് താരം. ഞാൻ എന്ന വ്യക്തിയുടെ പൗരബോധത്തിന് ഉപരി, സമൂഹത്തിൽ ഇപ്പോഴും നിലനിൽക്കുന്ന വർഗ്ഗ, മത, വർണ്ണ വിഭാഗീയതക്ക് സാക്ഷ്യം വഹിക്കുന്ന വ്യക്തി എന്ന നിലക്ക് എൻ്റെ വ്യക്തിരമായ അഭിപ്രായങ്ങളും കാഴ്ചപ്പാടുകളും മാത്രം ആണ് അത് എന്നാണ് താരം വിഷയത്തിൽ പ്രതികരിച്ചത്. താരത്തിന്റെ ഫേസ്ബുക്ക് പോസ്റ്റിലൂടെയാണ് പ്രതികരണം നടത്തിയിരിക്കുന്നത്.