'ദയവായി ഊഹങ്ങൾ പ്രചരിപ്പിക്കരുത്'; ഒറ്റക്കെട്ടായി പ്രവർത്തിക്കണമെന്ന് നടൻ ഷെയ്ൻ നിഗം
- Published by:Anuraj GR
- news18-malayalam
Last Updated:
ഈ സംഭവത്തിന്റെ പിന്നില് പ്രവര്ത്തിച്ചവരെ അധികാരികള് കണ്ടെത്തട്ടെ, അതുവരെ നമ്മള് ഒറ്റക്കെട്ടായി പ്രവര്ത്തിക്കണം' -ഷെയ്ൻ നിഗം
കൊച്ചി: ഒരിക്കലും സംഭവിക്കാൻ പാടില്ലാത്തതാണ് കളമശേരി സ്ഫോടനമെന്ന് നടൻ ഷെയ്ൻ നിഗം. ഈ അവസരത്തിൽ ദയവായി ഊഹങ്ങൾ പ്രചരിപ്പിക്കരുതെന്നും ഫേസ്ബുക്ക് പോസ്റ്റിൽ അദ്ദേഹം അഭ്യർഥിച്ചു. ഈ സംഭവത്തിന്റെ പിന്നില് പ്രവര്ത്തിച്ചവരെ അധികാരികള് കണ്ടെത്തട്ടെ, അതുവരെ നമ്മള് ഒറ്റക്കെട്ടായി പ്രവര്ത്തിക്കണമെന്നും ഷെയ്ൻ നിഗം പറഞ്ഞു.
ഷെയ്ൻ നിഗത്തിന്റെ ഫേസ്ബുക്ക് പോസ്റ്റ് പൂർണരൂപം
‘സുഹൃത്തുക്കളേ, കൊച്ചി കളമശ്ശേരിയില് ഒരിക്കലും സംഭവിക്കാൻ പാടില്ലാത്ത ഒരു അപകടമാണ് അരങ്ങേറിയത്. ദയവായി ഊഹങ്ങള് പ്രചരിപ്പിക്കരുത്. ഒരു ചാനലുകളും രാഷ്ടീയ പ്രസ്ഥാനങ്ങളും വ്യക്തികളും മത്സരിക്കാനും വിജയിക്കാനുമുള്ള അവസരമാക്കരുത്. ഈ സംഭവത്തിന്റെ പിന്നില് പ്രവര്ത്തിച്ചവരെ അധികാരികള് കണ്ടെത്തട്ടെ, അതുവരെ നമ്മള് ഒറ്റക്കെട്ടായി പ്രവര്ത്തിക്കണം’ -ഷെയ്ൻ നിഗം കുറിപ്പില് പറഞ്ഞു.
advertisement
ഇന്ന് രാവിലെ ഒമ്പതരയോടെയാണ് യഹോവ സാക്ഷികളുടെ പ്രാർഥനയോഗത്തിനിടെ പൊട്ടിത്തെറിയുണ്ടായത്. സംഭവത്തിൽ ഒരാൾ മരിച്ചു. 33 പേർക്ക് പരിക്കേറ്റു. ഇതിൽ ഗുരുതരാവസ്ഥയിലുള്ള 18 പേരെ അത്യാഹിതവിഭാഗത്തിൽ പ്രവേശിപ്പിച്ചിരിക്കുകയാണ്. ഇതിൽ ആറുപേരുടെ നില ഗുരുതരമാണ്. അതീവ ഗുരുതരാവസ്ഥയിലുള്ള 12 വയസുള്ള പെൺകുട്ടിയെ വെന്റിലേറ്റർ സംവിധാനത്തിന്റെ സഹായത്തോടെയാണ് ചികിത്സിക്കുന്നത്.
മൂന്നിലേറെ തവണ പൊട്ടിത്തെറി ഉണ്ടായതായാണ് പ്രാഥമിക വിവരം. പരുക്കേറ്റവരെ കളമശേരി മെഡിക്കൽ കോളേജിൽ പ്രവേശിപ്പിച്ചു. ഏകദേശം രണ്ടായിരത്തിലധികം ആളുകൾ യോഗത്തിൽ പങ്കെടുക്കാൻ എത്തിയിരുന്നു. വെള്ളിയാഴ്ച്ച ആരംഭിച്ച മൂന്ന് ദിവസത്തെ സമ്മേളനം ഇന്ന് സമാപിക്കാൻ ഇരിക്കെയാണ് പൊട്ടിത്തെറി ഉണ്ടാകുന്നത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kochi,Ernakulam,Kerala
First Published :
Oct 29, 2023 4:44 PM IST
മലയാളം വാർത്തകൾ/ വാർത്ത/Kerala/
'ദയവായി ഊഹങ്ങൾ പ്രചരിപ്പിക്കരുത്'; ഒറ്റക്കെട്ടായി പ്രവർത്തിക്കണമെന്ന് നടൻ ഷെയ്ൻ നിഗം
