'ഇനിയിപ്പോ 70 മണിക്കൂര്‍ ജോലി ചെയ്യാമല്ലോ'! തോറ്റ ഋഷി സുനകിന് കിട്ടുന്ന ഉപദേശങ്ങളുടെ പെരുമഴ

യുകെ പാർലമെന്റ് തെരഞ്ഞെടുപ്പില്‍ വമ്പൻ ഭൂരിപക്ഷത്തോടെയാണ് ലേബർ പാർട്ടി അധികാരത്തില്‍ എത്തിയിരിക്കുന്നത്. 650 അംഗ പാർലമെന്റില്‍ 412 സീറ്റുകളും ലേബർപാർട്ടി നേടി. കണ്‍സർവേറ്റിവ് പാർട്ടി കനത്ത പരാജയം ഏറ്റുവാങ്ങിയതോടെ പ്രധാനമന്ത്രിയും ഇന്ത്യൻ വംശജനുമായ ഋഷി സുനക് വെള്ളിയാഴ്ച രാജിവെക്കുകയും ചെയ്തിരുന്നു. പിന്നാലെയാണ് കെയ്ർ സ്റ്റാർമർ പുതിയ പ്രധാനമന്ത്രിയായി അധികാരമേറ്റത്. എന്നാൽ തെരഞ്ഞെടുപ്പിലെ പരാജയത്തെ തുടർന്ന് സാമൂഹ്യ മാധ്യമങ്ങളിൽ അടക്കം ഋഷി സുനക് കനത്ത പരിഹാസങ്ങളും ട്രോളുകളും ആണ് നേരിട്ടുകൊണ്ടിരിക്കുന്നത്.