'യുവാക്കൾ ആഴ്ചയിൽ 70 മണിക്കൂർ ജോലി ചെയ്യണം': ഇൻഫോസിസ് സ്ഥാപകൻ നാരായണ മൂർത്തി
- Published by:user_57
- news18-malayalam
Last Updated:
ഇന്ത്യയുടെ തൊഴില്ക്ഷമത മറ്റുള്ള രാജ്യങ്ങളെ അപേക്ഷിച്ച് കുറവാണ്. അതിനാല് രാജ്യത്തെ യുവജനങ്ങള് കൂടുതല് സമയം ജോലി ചെയ്യണം
യുവാക്കള് ആഴ്ചയില് 70 മണിക്കൂര് ജോലി ചെയ്യണമെന്ന നിര്ദേശവുമായി ഇന്ഫോസിസ് സ്ഥാപകന് എന്.ആര് നാരായണ മൂര്ത്തി. പതിറ്റാണ്ടുകളായി വന് പുരോഗതി കൈവരിച്ച സമ്പദ് വ്യവസ്ഥകളോട് മത്സരിക്കുമ്പോൾ ഇന്ത്യയെ മുന് നിരയില് എത്തിക്കുന്നതിന് യുവാക്കള് ഇത്തരത്തില് പ്രവര്ത്തിക്കണമെന്ന് അദ്ദേഹം പറഞ്ഞു.
യൂട്യൂബില് റിലീസ് ചെയ്ത 3one4 ക്യാപിറ്റലിന്റെ പോഡ്കാസ്റ്റായ ‘ദി റെക്കോര്ഡ്’ എന്ന പരിപാടിയിലാണ് അദ്ദേഹം തന്റെ അഭിപ്രായം വ്യക്തമാക്കിയത്. മുന് ഇന്ഫോസിസ് സിഎഫ്ഒ മോഹന്ദാസ് പൈയുമായാണ് അദ്ദേഹം സംഭാഷണത്തിലേര്പ്പെട്ടത്.
സാങ്കേതിക വിദ്യ, ഇന്ഫോസിസ്, രാജ്യപുനര്നിര്മ്മാണം തുടങ്ങിയ വിഷയങ്ങളെപ്പറ്റിയും പോഡ്കാസ്റ്റില് ഇരുവരും ചര്ച്ച ചെയ്തിരുന്നു.
advertisement
ഇന്ത്യയുടെ തൊഴില്ക്ഷമത മറ്റുള്ള രാജ്യങ്ങളെ അപേക്ഷിച്ച് കുറവാണ്. അതിനാല് രാജ്യത്തെ യുവജനങ്ങള് കൂടുതല് സമയം ജോലി ചെയ്യണം. ജപ്പാനും ജര്മ്മനിയും രണ്ടാം ലോക മഹായുദ്ധത്തിന് ശേഷം പ്രകടിപ്പിച്ച ഉല്പ്പാദനക്ഷമത കാഴ്ചവെയ്ക്കാനാകണം. എങ്കില് മാത്രമെ ചൈന പോലുള്ള വന്ശക്തികളോടൊപ്പം മത്സരിക്കാന് കഴിയൂവെന്നും നാരായണ മൂര്ത്തി പറഞ്ഞു.
“ഇന്ത്യയുടെ തൊഴില്ക്ഷമത വളരെ കുറവാണ്. ഉല്പ്പാദനക്ഷമത, സര്ക്കാരിലെ അഴിമതി, ഉദ്യോഗസ്ഥതലത്തിലെ കാലതാമസം എന്നിവയില് പുരോഗതി വരുത്താത്തിടത്തോളം കാലം വന് സാമ്പത്തിക ശക്തികളുമായി മത്സരിക്കാന് ഇന്ത്യയ്ക്ക് കഴിയില്ല,” എന്നും അദ്ദേഹം പറഞ്ഞു.
advertisement
ഇത് എന്റെ രാജ്യമാണെന്ന് ഓരോ യുവാക്കളും പറയണം. രാജ്യത്തിന് വേണ്ടി 70 മണിക്കൂര് ജോലി ചെയ്യുമെന്ന് പറഞ്ഞ് അവര് മുന്നോട്ട് വരണം എന്നും നാരായണ മൂര്ത്തി പറഞ്ഞു.
Summary: Infosys founder Narayana Murthy tells youngsters to work 70 hours per week
Click here to add News18 as your preferred news source on Google. ഏറ്റവും പുതിയ ജോലി സാദ്ധ്യതകൾ, ബോർഡ് പരീക്ഷകൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Oct 27, 2023 12:19 PM IST
മലയാളം വാർത്തകൾ/ വാർത്ത/Career/
'യുവാക്കൾ ആഴ്ചയിൽ 70 മണിക്കൂർ ജോലി ചെയ്യണം': ഇൻഫോസിസ് സ്ഥാപകൻ നാരായണ മൂർത്തി
