Alia Bhatt: ഇന്ത്യ- പാക് സംഘർഷാവസ്ഥയെ തുടർന്ന് ആലിയ ഭട്ട് കാനിൽ പങ്കെടുത്തേക്കില്ലെന്ന് റിപ്പോർട്ട്

ഇന്ത്യ- പാക് സംഘര്‍ഷാവസ്ഥയുടെ പശ്ചാത്തലത്തിലാണ് താരം മാറിനിൽകുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. കാനിലെ ആലിയയുടെ ആദ്യ അവസരമായിരുന്നു ഇത്തവണത്തേത്‌.റിയല്‍ പാരീസിന്റെ ഗ്ലോബല്‍ ബ്ലാന്‍ഡ് അംബാസിഡര്‍ എന്ന നിലയിലാണ് ഫ്രെഞ്ച് റിവിയേറയില്‍ ആലിയ പങ്കെടുക്കേണ്ടിയിരുന്നത്.

രാജ്യം ഒരു സംഘർഷാവസ്ഥയിൽ നിൽകുമ്പോൾ കാനില്‍ പങ്കെടുക്കുന്നത് ശരിയല്ലെന്ന് നടി കരുതുന്നതായി താരത്തിന്റെ അടുത്ത വൃത്തങ്ങളെ ഉദ്ധരിച്ച് ടൈംസ് എന്റർടൈൻമെന്റ് റിപ്പോർട്ട് ചെയ്തു. എന്നാൽ പങ്കെടുക്കേണ്ടെന്ന തീരുമാനം അന്തിമമല്ലെന്നും അതിര്‍ത്തിയിലെ സ്ഥിതിഗതികള്‍ ശാന്തമായാല്‍ മറ്റൊരു തീയതിയില്‍ പങ്കെടുക്കുന്ന കാര്യം പരിശോധിക്കുമെന്നും അടുത്ത വൃത്തങ്ങൾ അറിയിച്ചു.