'നിങ്ങളുടെ മക്കള്‍ വെളുത്തവരല്ല'; ഇന്ത്യക്കാരനെ വിവാഹം കഴിച്ചതിന് നേരിട്ട വംശീയ അധിക്ഷേപത്തോട് പ്രതികരിച്ച് അമേരിക്കക്കാരി
- Published by:Nandu Krishnan
- news18-malayalam
Last Updated:
സോഷ്യല്‍ മീഡിയ ഇന്‍ഫ്‌ളൂവന്‍സറായ യുവതിയാണ് തന്റെ അനുഭവം ഇന്‍സ്റ്റഗ്രാമിൽ പോസ്റ്റ് ചെയ്ത വീഡിയോയിലൂടെ പങ്കുവെച്ചിരിക്കുന്നത്
21-ാം നൂറ്റാണ്ടിലെത്തിയിട്ടും വംശീയ അധിക്ഷേപം പോലെയുള്ള സാമൂഹിക തിന്മകളില്‍ നിന്ന് പൂര്‍ണമായൊരു മോചനം നമ്മുടെ സമൂഹത്തിന് ലഭിച്ചിട്ടില്ല. മുന്‍വിധിയോടെയുള്ള ഇത്തരം ചിന്തകള്‍ നമ്മുടെ സാമൂഹിക ഘടനയില്‍ ആഴത്തില്‍ വേരൂന്നിയിരിക്കുന്നു. പാശ്ചാത്യരാജ്യങ്ങളില്‍ നിന്നുള്ളവര്‍ ഇന്ത്യക്കാരായ ഒരാളെ വിവാഹം കഴിക്കുമ്പോള്‍ പോലും അവര്‍ അധിക്ഷേപകരമായ പരാമര്‍ശങ്ങള്‍ക്ക് ഇരയാകുന്നു. ഇപ്പോഴിതാ താന്‍ നേരിട്ട വംശീയപരമായ അധിക്ഷേപങ്ങള്‍ ഏതൊക്കെയന്ന് വിവരിക്കുകയാണ് ഇന്ത്യക്കാരനെ വിവാഹം കഴിച്ച അമേരിക്കന്‍ സ്വദേശിനി. സോഷ്യല്‍ മീഡിയ ഇന്‍ഫ്‌ളൂവന്‍സറായ യുവതിയാണ് തന്റെ അനുഭവം ഇന്‍സ്റ്റഗ്രാമില്‍ പോസ്റ്റ് ചെയ്ത വീഡിയോയിലൂടെ പങ്കുവെച്ചിരിക്കുന്നത്. ഹിന്ദി പഠിപ്പിക്കുന്ന അവര്‍ കഴിഞ്ഞ 19 വര്‍ഷമായി ഇന്ത്യയിലാണ് താമസിക്കുന്നത്.
ഇന്ത്യക്കാരനെ വിവാഹം കഴിച്ച് ഇന്ത്യയിലേക്ക് താമസം മാറിയതിന് ശേഷം താന്‍ നേരിട്ട അധിക്ഷേപ പരാമര്‍ശങ്ങളെക്കുറിച്ച് അവര്‍ ഇന്‍സ്റ്റഗ്രാമില്‍ പങ്കുവെച്ച വീഡിയോയില്‍ വിവരിച്ചു.
നിറയെ കടകളുള്ള ഒരു ഇന്ത്യന്‍ തെരുവിലൂടെ നടക്കുന്ന വീഡിയോയാണ് അവര്‍ പങ്കുവെച്ചത്. ഇന്ത്യക്കാരെ വിവാഹം കഴിച്ച വിദേശികള്‍ കേള്‍ക്കേണ്ടി വരുന്ന അസംബന്ധമായ കാര്യങ്ങള്‍ എന്ന കാപ്ഷനോടെയാണ് അവര്‍ ഈ വീഡിയോ പങ്കുവെച്ചിരിക്കുന്നത്.
വര്‍ഷങ്ങളായി താന്‍ കേട്ടുവരുന്ന എല്ലാ അധിക്ഷേപ പരാമര്‍ശങ്ങളും അവര്‍ വീഡിയോയില്‍ പങ്കുവെച്ചിട്ടുണ്ട്. ഗ്രീന്‍ കാര്‍ഡ് കിട്ടുന്നതിന് വേണ്ടിയാണ് നിങ്ങളുടെ ഭര്‍ത്താവ് നിങ്ങളെ വിവാഹം കഴിച്ചത്, നിങ്ങളൊരു ഇരുണ്ടനിറക്കാരനെ വിവാഹം കഴിച്ചതില്‍ എനിക്ക് വിഷമമുണ്ട്, ഇന്ത്യയിലേക്ക് താമസം മാറിയതിലൂടെ നിങ്ങളുടെ ജീവിതം നിങ്ങള്‍ നശിപ്പിച്ചു, നിങ്ങളുടെ കുട്ടികള്‍ നിങ്ങളെപ്പോലെ വെളുത്തവരല്ല എന്നത് വളരെ ദുഃഖകരമാണ്, ഈ പരാമർശങ്ങളൊക്കെ താൻ കേട്ടതായി വീഡിയോയില്‍ അവര്‍ പറഞ്ഞു.
advertisement
''നിങ്ങളിലാര്‍ക്കൊക്കെ ഈ കാര്യങ്ങള്‍ ഓണ്‍ലൈനില്‍ കേള്‍ക്കേണ്ടി വന്നിട്ടുണ്ട്. ഇത് സത്യം പറഞ്ഞാല്‍ ഞാന്‍ ദിവസവും കാണുന്ന വര്‍ണ വിവേചനത്തിന്റെയും വംശീയതയുടെയും വെളുത്ത നിറത്തിന്റെയും പാശ്ചാത്യ രാജ്യങ്ങളുടെ പാസ്‌പോര്‍ട്ട് ആരാധനയുടെയും ഒരു സാമ്പിള്‍ മാത്രമാണ്,'' അവര്‍ പറഞ്ഞു.
പ്രതികരിച്ച് സോഷ്യല്‍ മീഡിയ
യുവതിയുടെ പോസ്റ്റിനോട് നിരവധി പേരാണ് തങ്ങളുടെ പ്രതികരണം അറിയിച്ചത്. 2025ല്‍ ജീവിക്കുമ്പോഴും സമൂഹത്തിലെ ഒരു വിഭാഗം ആളുകള്‍ വംശീയ പരാമര്‍ശം നടത്തുന്നത് നിരാശപ്പെടുത്തുന്നുവെന്ന് ചിലര്‍ പറഞ്ഞു. മികച്ച ജീവിതം നയിക്കുന്നവരോടും ആളുകള്‍ ഇത്തരത്തില്‍ ഭയാനകമായ കാര്യങ്ങള്‍ പറയുന്നുവെന്നത് വളരെ സങ്കടകരമായ കാര്യമാണെന്ന് ഒരു ഉപയോക്താവ് പറഞ്ഞു. ഗ്രീന്‍ കാര്‍ഡ് കമന്റാണ് തനിക്ക് കൂടുതല്‍ ലഭിക്കുന്നതെന്ന് മറ്റൊരാള്‍ പറഞ്ഞു.
advertisement
''ഇടുങ്ങിയ ചിന്താഗതിക്കാരായ ആളുകള്‍ ഇത്തരത്തില്‍ ഭയപ്പെടുത്തുന്ന കാര്യങ്ങള്‍ പറയും. അവര്‍ ഒരിക്കലും യാത്ര ചെയ്തിട്ടില്ലാത്തവരോ അല്ലെങ്കില്‍ മറ്റ് സംസ്‌കാരങ്ങള്‍ അനുഭവിച്ചിട്ടില്ലാത്തവരോ ആയിരിക്കും,'' മറ്റൊരാള്‍ പറഞ്ഞു. ഇത് ഇന്ത്യയില്‍ മാത്രം സംഭവിക്കുന്നതല്ലെന്നും മെക്‌സിക്കോ, ആഫ്രിക്ക, ഏഷ്യ തുടങ്ങി പാശ്ചാത്യേതര രാജ്യങ്ങളിലെല്ലാം ഇത് സംഭവിക്കുന്നു. 2025ലും ഇത് സംഭവിക്കുന്നുവെന്നത് വളരെ സങ്കടകരമായ കാര്യമാണ്, മറ്റൊരു ഉപയോക്താവ് അഭിപ്രായപ്പെട്ടു.
നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,Delhi
First Published :
July 28, 2025 2:57 PM IST
മലയാളം വാർത്തകൾ/ വാർത്ത/Buzz/
'നിങ്ങളുടെ മക്കള്‍ വെളുത്തവരല്ല'; ഇന്ത്യക്കാരനെ വിവാഹം കഴിച്ചതിന് നേരിട്ട വംശീയ അധിക്ഷേപത്തോട് പ്രതികരിച്ച് അമേരിക്കക്കാരി
